சமரசமற்ற போராளி சாந்தா சாஹிப்

வரலாறு படைத்த பலர் வரலாற்றில் காணமல் போனது உண்டு. புகழ் பெற்றவர்களையே வரலாற்றாசிரியர்களும் முன்னிறுத்துகிறார்கள். தியாகங்கள் செய்த நாயகர்கள், புகழ் வெளிச்சத்தில் தங்களை காட்டிக் கொள்ளாததாலேயே, பல நேரம் அவர்களது வரலாறுகளும் இருளில் மூழ்கிவிடுகிறது.
அந்த வகையில், ஆங்கிலெயரை எதிர்த்து சமரசமின்றி போராடிய மன்னர் சாந்தா சாஹிப் குறித்து தமிழக வரலாற்றாசிரியர்கள் விரிவாக எழுதவில்லை. ஆற்காடு நவாபாக திகழ வேண்டிய வாய்ப்பை இழந்தவர்தான் சாந்தா சாஹிப்! இவர் ஆற்காடு நவாபாக பதவி பெற்று வலுப்பெற்றிருந்தால் ஆங்கிலெய சாம்ராஜ்யம் தோன்றாமலேயே முடிந்து போயிருந்திருக்கக் கூடும்.
ஆற்காடு நவாபாக யார் இருப்பது என்ற பனிப்போரில் முகம்மது அலியும், சாந்தாசாஹியும் மோதினர். முகம்மது அலியோ ஆங்கிலெயர்களின் அடிமை மன்னராக இருப்பதில் பெருமை கொள்பவர். சாந்தா சாஹிப் அதற்கு நேர் எதிரானவர். ஆங்கிலெயர்களை எதிர்த்து மண்ணுரிமை போரை நடத்திய சமரசமற்ற போராளி!மேலும் படிக்க

கடனால் கலங்கும் நெஞ்சம் – 2

நபித்தோழர்களின் வரலாறு தரும் படிப்பினை
நபி(ஸல்) அவர்களின் அறிவுரைகள் மற்றும் வழிகாட்டல்கள் கண்டு செயற்பட்ட நபித்தோழர்கள் தங்களுடைய மரணத் தறுவாயிலும் கடன் குறித்து நடந்து கொண்ட முறை மிகச் சிறந்த படிப்பினையாகும்.
கலீபா உமர்(ரலி) அவர்கள் சுபுஹ் தொழுகையை நடத்திக் கொண்டிருக்கும்போது அபூலுஃலு என்பவன் உமர்(ரலி) அவர்களின் வயிற்றில் பிச்சுவாக் கத்தியால் பலமாக குத்தினான். கத்திக்குத்துக்கு ஆளான உமர் (ரலி) அவர்களின் நிலை மிகவும் மோசமாகியது…மேலும் படிக்க

பலஸ்தீனம்: கசிந்தது கள்ளத்தனம்

அரபு நாடுகளின் பிரச்சனைகளில் மையப் புள்ளியாக இருப்பது பாலஸ்தீனம் என்பது ஒப்புக் கொள்ளப்பட்ட உண்மை. மேற்குலகின் ஆதரவுடன் இஸ்ரேல் பாலஸ்தீனத்தை விழுங்கியுள்ளதாகவும், அரபு தலைவர்கள் முகத்தை திருப்பிக் கொண்டு வேறு பிரச்சனைகளில் கவனம் செலுத்துவதாகவும் அரபு மக்கள் உணர்கிறார்கள். இந்த சூழ்நிலையில் பாலஸ்தீனர்கள் மற்றும் அரபுகளின் மானசீக நகரமாகவும் புனித நகரங்களில் ஒன்றாகவும் நேசிக்கும் ஜெருசலத்தை இஸ்ரேலுக்கு விட்டுக் கொடுக்கும் முடிவு ஒன்று ரகசியமாக செய்து கொள்ளப்பட்டதென தகவல் வெளியானால் அந்த நம்பிக்கை துரோகம் எத்துனை பெரிய தாக்கத்தை ஏற்படுத்தும்.மேலும் படிக்க

படைத்தவனை நோக்கி …!

ஆழ்ந்த உறக்கத்தில் இருந்தவனை காலைக் கதிரவன் எழுப்பினான். சில மணித் துளிகளில் வியாபாரமும் பணிகளும் அவனை விரைவாக அழைத்துச் சென்றன. இலாப, நஷ்ட கணக்குகளுடன் மாலையில் களைப்புடன் வீடு திரும்பியவன், தொலைக்காட்சியில் சற்றுப் பொழுதைப் போக்கி விட்டு உறங்கச் சென்றான். அவன் வாழ்வில் ஒரு நாள் விடைபெற்றது. இதுதான் பெரும்பாலானோரின் வாழ்க்கை. ஒரு முஸ்லிமின் வாழ்க்கையும் இப்படித்தான் இருக்குமா?! என்றால் நிச்சயமாக இல்லை.
தினமும் நடைபெறும் ஆன்மீக வியாபாரம்!
மக்கள் அனைவரும் காலையில் புறப்பட்டுச் சென்று தம்மை விற்பனை செய்கின்றனர். சிலர் தம்மை (இறைவனிடம் விற்று நரகத்திலிருந்து தம்மை) விடுவித்துக் கொள்கின்றனர். வேறு சிலர் (ஷைத்தானிடம் விற்று) தம்மை அழித்துக் கொள்கின்றனர் என்று நபி (ஸல்) அவர்கள் கூறினார்கள்.
(அறிவிப்பவர்: அபூமாலிக் அல்அஷ்அரி (ரலி), நூல்: முஸ்லிம் 381)மேலும் படிக்க

நல்லாட்சி மலர உழைத்திடுவோம்!

ஆழ்ந்த உறக்கத்தில் இருந்தவனை காலைக் கதிரவன் எழுப்பினான். சில மணித் துளிகளில் வியாபாரமும் பணிகளும் அவனை விரைவாக அழைத்துச் சென்றன. இலாப, நஷ்ட கணக்குகளுடன் மாலையில் களைப்புடன் வீடு திரும்பியவன், தொலைக்காட்சியில் சற்றுப் பொழுதைப் போக்கி விட்டு உறங்கச் சென்றான். அவன் வாழ்வில் ஒரு நாள் விடைபெற்றது. இதுதான் பெரும்பாலானோரின் வாழ்க்கை. ஒரு முஸ்லிமின் வாழ்க்கையும் இப்படித்தான் இருக்குமா?! என்றால் நிச்சயமாக இல்லை.
தினமும் நடைபெறும் ஆன்மீக வியாபாரம்!
மக்கள் அனைவரும் காலையில் புறப்பட்டுச் சென்று தம்மை விற்பனை செய்கின்றனர். சிலர் தம்மை (இறைவனிடம் விற்று நரகத்திலிருந்து தம்மை) விடுவித்துக் கொள்கின்றனர். வேறு சிலர் (ஷைத்தானிடம் விற்று) தம்மை அழித்துக் கொள்கின்றனர் என்று நபி (ஸல்) அவர்கள் கூறினார்கள்.
(அறிவிப்பவர்: அபூமாலிக் அல்அஷ்அரி (ரலி), நூல்: முஸ்லிம் 381)மேலும் படிக்க

நல்லாட்சி மலர உழைத்திடுவோம்!

நபி(ஸல்) அவர்கள் தமது மக்கா வாழ்க்கையில் எண்ணிலடங்கா துன்பங்களைச் சுமந்த நிலையிலும் கூட அர்க்கம்(ரலி) அவர்களின் வீட்டை வணக்க வழிபாட்டிற்காகவும், கல்விக் கூடமாகவும் பயன்படுத்தியுள்ளார்கள்.
புனித மதீனாவில் நுழைந்த பதினைந்து நாட்களில் நஜ்ஜார் கிளையார்களால் வழங்கப்பட்ட இடத்தில் மஸ்ஜிதுந் நபவியை கட்டினார்கள். இணை வைத்தலின் சாயல் கூட இறைவழிபாட்டில் படிந்துவிடக் கூடாது என்பதற்காக, அந்த இடத்தில் புதைக்கப்பட்ட உடல்களில் மண்ணரிக்காத மீத பகுதிகளை தோண்டி அப்புறப்படுத்தினார்கள்.
மஸ்ஜிதுந் நபவியை எழுப்பும் பணியில் தன்னையும் இணைத்துக் கொண்ட நபி(ஸல்) அவர்கள் நபித்தோழர்களுடன் இணைந்து கற்களையும் மண்ணையும் சுமந்தார்கள்.மேலும் படிக்க

இந்த கொலைக்கு காரணம்

தில்லியில், நொய்டா பகுதியில், 2008ம் ஆண்டு, மே மாதம் 16ம் நாள் அரூசி தல்வார் என்ற 15 வயது சிறுமியும் அவளது வீட்டு வேலைக்காரர் ஹேம்ராஜ்-ம் அரூசியின் வீட்டில் கொல்லப்பட்டுக் கிடந்தனர். இந்த வழக்கில் தில்லி காவல்துறை முதல்கட்ட விசாரணை நடத்தியது. அரூசியின் அப்பா ராஜேஷ் தல்வார் தான் கொலையாளி என்றும், கொல்லப்படும் முன்பு அரூசி கற்பழிக்கப்பட்டுள்ளார் என்றும் காவல்துறை சொன்னது. காவல்துறையின் இந்த அறிக்கை தில்லியில் பெரும் பரபரப்பை உண்டு பண்ணியது. பத்திரிக்கையாளர் முதல் பொதுமக்கள் வரை அனைவரும் காவல்துறை மீது அதிருப்தியையும் கோபத்தையும் வெளிப்படுத்தினர். இதனை தொடர்ந்து 2008, மே 31ல் இந்த வழக்கு சி.பி.ஐயிடம் ஒப்படைக்கப்பட்டது.மேலும் படிக்க

பெருகிவரும் உலக முஸ்லிம் மக்கள் தொகை

முஸ்லிம் மக்கள் தொகையில் தற்போது முதலிடத்தில் இருக்கும் இந்தோனேசியாவை விரைவில் பாகிஸ்தான் பின்னுக்குத் தள்ளி முதலிடத்தைப் பிடிக்கும் என்று அமெரிக்கா ஆய்வு தெரிவித்துள்ளது. இது தொடர்பாக வாஷிங்டனை சேர்ந்த மத மற்றும் பொதுவாழ்க்கை குறித்த ஆராய்ச்சி மையம் ஒன்று நடத்திய ஆய்வில், அடுத்த இருபது ஆண்டுகளில் இஸ்லாமியர் அல்லாதவர்களின் எண்ணிக்கையிலிருந்து இரு மடங்கு அதிகமாக இஸ்லாமியர்களின் எண்ணிக்கை இருக்கும் என்று தெரியவந்துள்ளது. இது குறித்து அந்த ஆய்வறிக்கையில் கூறப்பட்டிருப்பதாவது: அதிகரிக்கும் இஸ்லாமிய மக்கள் தொகை உலகம் முழுவதும் இஸ்லாமிய மக்களின் எண்ணிக்கை அதிகரித்து வருவதாகவும், வருகிற 2030 ஆம் ஆண்டு வாக்கில் உலக மொத்த மக்கள் தொகையில் 25 விழுக்காட்டிற்கும் அதிகமானவர்களாக இஸ்லாமியர்கள் இருப்பார்கள் என்றும் ஆய்வில் தெரியவந்துள்ளது. அதேபோல 2030-ம் ஆண்டில் இந்தியாவில் முஸ்லிம்களின் எண்ணிக்கை 23.6 கோடியைத் தாண்டும் என்றும் அது கூறுகிறது. மேலும், அடுத்த 20 ஆண்டுகளில் உலக முஸ்லிம் மக்கள் தொகை, முஸ்லிம் அல்லாத மக்கள் மேலும் படிக்க

துனீஷியா: அரபுலகை அசைத்த மக்கள் புரட்சி

துனீஷியா ஆப்பிரிக்க கண்டத்தின் வடக்கில் மத்திய தரைக்கடலை ஒட்டியுள்ள நாடு. 99% அரபு மொழி பேசும் முஸ்லிம்களை கொண்ட இந்நாடு 1 1/2 கோடி மக்கள் தொகையை கொண்டது. 1300 கி.மீ கடற்கரையை கொண்ட நீண்ட பாரம்பரிய செழுமை கொண்டது.
கி.பி 6ம் நூற்றாண்டில் பைசாந்தியர்களால் வெற்றிக் கொள்ளப்பட்ட இம்மண்ணில் 8ம் நூற்றாண்டில் அரேபியர்கள் நுழைந்தனர். இஸ்லாத்தை இருகரம் ஏற்று அரவணைத்த இம்மக்கள் அரபு மொழியையும் தமதாக்கி கொண்டனர். பின்னர் பல்வேறு ஏகாதிபத்திய கிறிஸ்துவ நாடுகள் துனீஷியா மீது படையெடுத்தன. இறுதியாக 1574ல் துருக்கி உதுமானிய பேரரசின் மன்னள் இரண்டாம் சலீம் லாகொலேட்டா, (La goleta) துனீஷ் ஆகிய இடங்களில் நடந்த மாபெரும் போரில் வெற்றி பெற்று துனீஷியாவை கைப்பற்றினார். உதுமானிய இஸ்லாமிய பேரரசின் ஓர் மாகாணமாக துனீஷியா இருந்து வந்தது.மேலும் படிக்க

மைசூர் சிங்கம் – ஹைதர் அலி – 2

கூட்டணியும், சவால்களும்…
ஹைதர் அலியின் நிர்வாகத் திறனும், ஆளுமை பண்புகளும் அவரது புகழை உயர்த்தியது. இளம் வயது மன்னராக இருந்த கிருஷ்ணராஜா ‘பொம்மை’யாக இருக்க, அவரை ஆட்டிப் படைத்த அமைச்சர்கள் தேவராஜும், நஞ்சராஜும் சொகுசு வாழ்க்கையில் திளைக்க ஹைதர் அலியோ மக்கள் மன்றத்தில் ஒரு “மஹாராஜா”வாக வளர்ந்துக் கொண்டிருந்தார்.
பகை எங்கிருந்தாலும் தேடி சென்று முறியடிக்கும் ஹைதர் அலி, அக்கம் பக்கத்து ஆட்சியாளர்களுக்கு பெரும் சவாலாக திகழ்ந்தார். மராட்டியத்தை சேர்ந்த கோபால்ராவ் என்ற மன்னர் மைசூர் சாம்ராஜ்யத்தின் மீது படையெடுத்தார் குமுறி எழுந்த ஹைதர் அலி, மராட்டிய படையை துவம்சம் செய்து, துரத்தியடித்தார். இது நடந்தது 1758ம் வருடம் என்றும் 1759ம் வருடம் என்றும் வரலாற்று பதிவுகள் கூறுகின்றன.மேலும் படிக்க

அசிமானந்தா கழட்டிவிடப்பட்ட ஏஜென்ட்

சாலை ஓரத்தில், பேருந்தில், ரயில் பயணத்தில், கடை வீதியில் எங்காவது, தொப்பியும் தாடியும் வைத்துள்ள ஒரு முஸ்லிம் கையில் ஒரு மஞ்சள் பையுடன் காணப்பட்டால், “பையில் என்ன பாய் வெடிகுண்டா” என்று நக்கலடித்து கேட்பது ஒரு வழக்கமாக மாறிவிட்டிருந்தது. பத்திரிகையாளர் முதல் பொதுமக்கள் வரை முஸ்லிம் என்றால் தீவிரவாதி என்று சொல்லத் தொடங்கினர்.

பிச்சை எடுக்கும் முஸ்லிம் கூட இந்த அவசொல்லுக்கு ஆளாக நேர்ந்தது. தூத்துக்குடி புதிய பேருந்து நிலையத்தில் நண்பர்களாக சேர்ந்து பிச்சை எடுத்துக் கொண்டிருந்தவர்களில் ஒருவர் இந்து, ஒருவர் முஸ்லிம். இந்து பிச்சைக்காரர் முஸ்லிம் பிச்சைக்காரரை தீவிரவாதி என்று, வார்த்தையால் தொடர்ந்து துன்புறுத்தி வந்துள்ளார். ஒருநாள் இந்த சுடு சொல்லால் சூடேறிய முஸ்லிம் பிச்சைக்காரர் கத்தியால் குத்த இந்து பிச்சைக்காரர் கொல்லப்பட்டார். ஊடகங்களும், அரசியல் சக்திகளும் தொடர்ந்து வலியுறுத்திய தீவிரவாதி என்ற பட்டப் பெயர் இரண்டு நண்பர்கள் இடையே பகையையும் ஒரு கொலையையும் உருவாக்கிவிட்டது. இதற்கு காரணமானவர்கள் வருத்தப்பட்டதில்லை. மேலும் படிக்க

வெடித்தது மக்கள் புரட்சி மிரண்டது மேற்குலகம்

அடக்கி ஒடுக்கப்பட்ட மக்களின் உணர்வுகள் கிளர்ந்தெழுந்தால் என்ன ஆகும்? பிரெஞ்சு புரட்சியை பார்த்தவர்கள் யாராவது இப்போது இருக்கிறார்களா ? சோவியத் ரஷ்யாவின் புரட்சி, மாவோவின் தலைமையில் செஞ்சீன புரட்சி… லத்தீன் அமெரிக்க நாடுகளில் சேகுவாரா, பிடல்காஸ்ட்ரோ. சைமன் போலிவர் உள்ளிட்ட புரட்சி தளபதிகளின் தலைமையில் வெடித்த பாட்டாளி வர்க்கத்தின் புரட்சி, இன்றும் கூட அமெரிக்கர்களை உறக்கத்திலும் புலம்பவைக்கும் வியட்நாமியர்களின் வீர புரட்சி என வெற்றி பெற்ற புரட்சிகளானாலும் சரி ,ஷேய்க் அஹ்மது யாசீன் , ஹசனுல்பன்னா , அபு முசஃப்பல் ஜர்காவி போன்ற சீரிய ஆளுமைகளின் தலைமையில் எதிர்காலத்தில் வெற்றி பெற்றே தீரும் என நம்பிக்கை ஊட்டி கொண்டிருக்கும் புரட்சிகளை பார்க்காதவர்கள் என அனைவரும் மக்கள் எழுச்சி போராட்டங்களை பார்க்க வேண்டும் என ஆசை கொண்டால் துனீசியாவிற்கும் எகிப்திற்கும் ஜோர்தானுக்கும் அல்ஜீரியாவுக்கும் ஒரு நடை சென்று பார்த்து விட்டு வாருங்கள்
அங்கெல்லாம் எரிமலைகள் வெடித்து கிளம்புகின்றன. இத்தனை எரிமலைகள் இவ்வளவு காலமாக எங்கே இருந்தன என கேட்கிறீர்களா? போராடும் மக்களின் உள்ளங்களில் இதுவரை இந்த எரிமலைகள் மையம் கொண்டு இருந்தன.மேலும் படிக்க

மதீனா நகருக்கு போக வேண்டும்

மக்காவுக்கு அடுத்ததாக புனிதம் பெற்ற பூமியே மதீனாவாகும். இதுவும் வஹீ இறங்கிய பூமி. ஜிப்ரீல் அதிகம் இறங்கிய பூமி. இதுதான் இறுதியில் ஈமான் போய் தங்குமிடம். முஹாஜிர்களும், அன்ஸார்களும் ஒன்றுகூடிய இடம். அதுதான் முஸ்லிம்களின் முதலாவது தலைநகரம். இங்கிருந்துதான் இஸ்லாத்தின் ஒளியைத் தாங்கிய இறைத் தூதரின் கடிதங்கள் அடுத்தடுத்த நாடுகளின் தலைநகரங்களுக்குச் சென்றன. இங்கிருந்துதான் ‘ஹிதாயத்’ எனும் ஒளி உலகமெல்லாம் பிரகாசித்தது.
இந்த பூமிதான் இறைத் தூதருக்கு அல்லாஹ் தேர்ந்தெடுத்த ஹிஜ்ரத் பூமி. இங்குதான் நபி(ஸல்) அவர்கள் ஹிஜ்ரத் செய்தார்கள்; இங்குதான் வாழ்ந்தார்கள். இங்குதான் மரணித்தார்கள். இங்குதான் அடக்கப்பட்டார்கள். இங்கிருந்துதான் அவர்கள் எழுப்பப்படுவார்கள். இந்த இடத்தில் உள்ள நபியவர்களது கப்ருதான் மறுமையில் முதன்முதலாவதாகத் திறக்கப்படும். இவ்வாறு இந்த மதீனா பூமிக்கு எண்ணற்ற ஏற்றங்களும், சிறப்புகளும் காணப்படுகின்றன. இந்தப் புனித பூமியின் சிறப்புகளையும், அங்கு செல்வோர் கடைப்பிடிக்க வேண்டிய ஒழுக்கங்களையும் சுருக்கமாக நோக்குவோம்.மேலும் படிக்க

அசிமானந்தா: மனம் உருகினார் மாமா

அஜ்மீர்தர்கா, மக்கா மஸ்ஜித் (ஹைதராபாத்) உள்ளிட்டு நடந்த சில குண்டு வெடிப்புகளுக்கு தான் பொறுப்பேற்பதாக அவ்வழக்குகள் சம்பந்தமாக கைது செய்யப்பட்டிருக்கும் அசிமானந்தா எனும் சாமியார் ஒப்புக் கொண்டிருக்கிறார். இந்த ஒப்புதல் வாக்கு மூலத்திற்கு பின்னணியாக மனம் உருகும் உண்மை சம்பவம் இருந்திருக்கிறது. 80 வருட இந்திய சினிமா வரலாற்றில் கூட இதுபோன்றதொரு கதை புனையப்பட்டதில்லை எனலாம். தரமானதொரு கலைப்படம் பண்ணத்தக்க விதமாக அச்சம்பவம் நடந்திருக்கிறது. ஆனால் இது “கதையல்ல நிஜம்”.
மேலும் படிக்க

ரம்மியமான ரபீவுல் அவ்வல்

ஹிஜ்ரி ஆண்டின் மூன்றாம் மாதமான ரபீவுல் அவ்வல் ஓர் ரம்மியமான மாதமாகும்.
ரபீவுல் அவ்வல் என்றால் முதல் வசந்தம் என்று பொருள். இது வசந்தகாலத்தின் துவக்கமாக இருப்பதால் இப்பெயர் வந்திருக்கலாம்.
ரபீவுல் அவ்வல் மாதம் வந்தாலே முஸ்லிம்களில் சிலருக்கு பெரும் மகிழ்ச்சியும் சந்தோசமும் வந்துவிடும். காரணம் இது நபி(ஸல்) அவர்கள் பிறந்த மாதம். ஆகவே இந்த மாதத்தை கொண்டாடும் மாதமாக எடுத்துக் கொள்வது நபி(ஸல்) அவர்களை நேசிக்கும் அடையாளமாகும் என்று தவறாக எண்ணி மீலாது விழா, மௌலிது ஷரீபு(?) என வெகு கோலாகலமாக பல முஸ்லிம்களின் வீடுகளிலும் பள்ளிகளிலும் நடைபெறுவது வாடிக்கை.
மேலும் படிக்க

ரம்மியமான ரபீவுல் அவ்வல்

ஹிஜ்ரி ஆண்டின் மூன்றாம் மாதமான ரபீவுல் அவ்வல் ஓர் ரம்மியமான மாதமாகும்.
ரபீவுல் அவ்வல் என்றால் முதல் வசந்தம் என்று பொருள். இது வசந்தகாலத்தின் துவக்கமாக இருப்பதால் இப்பெயர் வந்திருக்கலாம்.
ரபீவுல் அவ்வல் மாதம் வந்தாலே முஸ்லிம்களில் சிலருக்கு பெரும் மகிழ்ச்சியும் சந்தோசமும் வந்துவிடும். காரணம் இது நபி(ஸல்) அவர்கள் பிறந்த மாதம். ஆகவே இந்த மாதத்தை கொண்டாடும் மாதமாக எடுத்துக் கொள்வது நபி(ஸல்) அவர்களை நேசிக்கும் அடையாளமாகும் என்று தவறாக எண்ணி மீலாது விழா, மௌலிது ஷரீபு(?) என வெகு கோலாகலமாக பல முஸ்லிம்களின் வீடுகளிலும் பள்ளிகளிலும் நடைபெறுவது வாடிக்கை.
மேலும் படிக்க

‘ஃபத்வா’ ஓர் விளக்கம்

மார்க்கச் சட்டம் குறித்துக் கேட்கப்படும் கேள்விக்கு அது குறித்த மார்க்கத்தின் சட்டத்தை எடுத்துச் சொல்வதே ஃபத்வா என்று கூறப்படும். ஃபத்வா வழங்கும் மார்க்க அறிஞர் முஃப்தி என அழைக்கப்படுவார்.
இஸ்லாம் என்பது ஒரு வாழ்க்கைத் திட்டமாகும். எனவே ஒரு முஸ்லிமின் முழு வாழ்வும் மார்க்க வழிகாட்டலுக்கு உட்பட்டதாக இருக்க வேண்டும். அவனது இபாதத்(வணக்கம்), இல்லற வாழ்வு, பொருளீட்டல் அனைத்தையும் அவன் மார்க்க அடிப்படையில் மேற்கொள்ள வேண்டும். இவ்வாறு செயற்படும் போது அலை அலையாகக் கேள்விக் கணைகள் எழுவது இயல்பே! எனவே மார்க்க அறிஞர்களிடம் அவற்றுக்கான தெளிவைப் பெறுதல் அவசியமாகின்றது. இந்த வகையில்
மேலும் படிக்க

அரசியல் சூழ்ச்சிகளை முறியடிப்போம்

இஸ்லாம் என்பது உலக நடைமுறை நெறியாகும். இஸ்லாம் மனித வாழ்வின் இலக்காக அல்லாஹ்வின் பொருத்தத்தையும் சொர்க்க வெற்றியையும் நிர்ணயித்த போதிலும் அந்த நம்பிக்கையின் பிரதிபலிப்பை இவ்வுலகில் காண நினைக்கிறது. எனவே இஸ்லாத்தின் கட்டளைகளுக்கு இணங்க, இவ்வுலக வாழ்வை தூய்மையானதாக
ஆக்கிக் கொள்வது ஒவ்வொரு மனிதன் மீதும் கடமையாகும்.
தன்னை சீர்திருத்துவது மட்டுமின்றி தான் வாழும் உலகை நெறிமுறைப்படுத்துவதும் தூய்மையாக்குவதும் நீதிமிக்க அரசை நிலை நாட்டுவதும் முஸ்லிம்கள் மீது சுமத்தப்பட்டமார்க்கக் கடமையாகும். மனித இனத்தை விட்டும் விலகி, காடுகளிலும் மலைகளிலும் குடில் அமைத்து மேற்கொள்ளும் துறவரம்தான் ஆன்மீகத்தின் அடையாளம் என்று கருதும் சித்தாந்தத்தை அடியோடு அப்புறப்படுத்தியது இஸ்லாம்.
மேலும் படிக்க

பந்தங்களை அணைப்பீர்

அலைகள்
என்ன பேசக்கூடும்…
கடல் கடந்த
கணவனின்
கவலை ஓரலை…
மேலும் படிக்க

அனாச்சாரங்களால் அரங்கேறிய அவலங்கள் – செய்தி கட்டுரை

இஸ்லாத்தின் எதிரிகளால் உள் நுழைக்கப்பட்ட அனாச்சாரங்களையும் மூட பழக்க வழக்கங்களையும் பிடித்துக்கொண்டு தொங்கும் போக்குகள் எங்குப்பார்த்தாலும் பரவலாக நிறைய காணப்படுகின்றன.
அதுபோல் சென்ற மாதம் ‘முஹர்ரம் படுகளம்’ என்ற பெயரில் நெல்லை மாவட்டம் ஏர்வாடியில் நடந்தேறியது:
ஆம்! ஏர்வாடி, முஸ்லிம்கள் பெருவாரியாக வாழக்கூடிய ஓர் பிரபலமான ஊர். இங்குள்ள சிலர் லெப்பை வளவு தெருவிலும், 6வது தெருவிலும் இரண்டு இடங்களை ஏற்படுத்தி ’படுகளம்’ என்ற பெயரில் பற்பல அனாச்சாரங்களை செய்து வருகின்றனர். இதனை செய்வதற்காக ‘முஹர்ரம் கமிட்டி’ என்ற ஒன்றையும் ஏற்படுத்தியுள்ளனர்.
மேலும் படிக்க

எண்ணிய படியே உயர்வோம்!

(மறைந்த இஸ்லாமிய அறிஞர் குர்ரம் முராத் அவர்களின் கட்டுரையைத் தழுவியது)
ஆங்கிலத்தில் Self Development என்றழைக்கப்படும் சுய முன்னேற்றம் ஒவ்வொரு மனிதனுக்கும் மிக அவசியமானதாக உள்ளது. அனைவரும் சுய முன்னேற்றம் அடையவே விரும்புகிறார்கள். சுய முன்னேற்றத்தை அடைவது எப்படி என்பது குறித்து இன்றைய உலகில் பல்வேறு பயிற்சி வகுப்புகள் ஆயிரக்கணக்கில் பணத்தை வசூல் செய்து நடத்தப்பட்டு வருகின்றது. நாம் இத்தொடரில் ஒரு முஸ்லிம் எத்தகைய சுய முன்னேற்றப் பயிற்சியை பெற வேண்டும் என்பதை இன்ஷாஅல்லாஹ் விரிவாக பார்ப்போம்.
மேலும் படிக்க

பெட்டகம்

மாதாந்திர பத்திரிக்கைகளை pdf வடிவில் இங்கே தொகுக்கப்படுகின்றன. இதனை தரவிறக்கம் செய்ய கீழ்காணும் தொடுப்பை சொடுக்கவும்.
Right Click, Save Target as the below links to download the files.
2011
ஜனவரி
பிப்ரவரி
மார்ச்
ஏப்ரல்
மே
மேலும் படிக்க

மருந்து விலை கொள்(ளையும்)கையும், மக்கள் விரோத அரசும்

இன்றைய சூழலில் உலகை சுருக்கமாக, எளிதாக எப்படி புரிந்து கொள்ளலாம்? வணிக நலனா? மக்கள் நலனா? என வரும்போது எந்தத் துறையை எடுத்தாலும் அது மக்கள் நலனை புறந்தள்ளி வணிக நலனை காக்கும் கொள்கைகளையே ஆளும் கட்சியானாலும் சரி, எதிர்கட்சியானாலும் சரி, கடைப்பிடிப்பதே நடைமுறை உண்மை!
மருத்துவத் துறையில் எப்படி வணிக நலன் காக்கப்படுகிறது, மக்கள் நலன் புறக்கணிக்கப்படுகிறதுஎனப் பார்ப்போம். மக்கள் பொதுவாக அதிகம் பாதிப்புள்ளாகும் நோய்களுக்கான மருந்தின் மொத்த விலைக்கும், சில்லரை விலைக்கும் உள்ள வேறுபாட்டை புரிந்துகொள்வது முக்கியம்.
மேலும் படிக்க

கடனால் கலங்கும் நெஞ்சம்

மரணத்திற்கு பின் விசாரணையின் போது மனித உரிமை விவகாரம் முதலிடம் பெரும் என்பதை இஸ்லாம் ஆணித்தரமாக கூறுகிறது.
நபித் தோழர் அபூஹுரைரா (ரலி) அவர்கள் அறிவிக்கிறார்கள்:
‘அனைத்தையும் இழந்த ஏழை யார் என்பதை நீங்கள் அறிவீர்களா? ‘என நபி (ஸல்) அவர்கள் எங்களிடம் கேட்டார்கள். ‘எவரிடம் வெள்ளிக் காசும் பொருள்களும் இல்லையோ அவரே எங்களில் அனைத்தையும் இழந்த ஏழை’ என்று நபித் தோழர்கள் கூறினார்கள். ‘என் சமுதாயத்தில் ஏழை என்பவன் மறுமை நாள் விசாரணையின் போது தொழுகை, நோன்பு, ஸகாத் ஆகிய (கடமைகளை நிறைவேற்றிய)நன்மைகளுடன் (சுவனம் செல்ல)வருவான்.
மேலும் படிக்க

மைசூர் சிங்கம் மன்னர் ஹைதர் அலி

வீரம், மானம், தியாகம் இவையெல்லாம் வர்க்கங்களுக்கு அப்பாற்பட்டவை. வர்க்கங்களுக்கிடையேயான போராட்டங்கள் உலகின் போக்குகளை மாற்றியிருக்கின்றன. பல நேரம் ஏழை வர்க்கத்தில் தோன்றிய சாமான்யர்களால் வரலாறுகளையே திணறடிக்கவும் முடிந்திருக்கிறது.
அப்படியரு வரலாற்று பெருவீரன்தான் ஹைதர் அலி. ஹைதர் என்றால் சிங்கம் என்று அர்த்தம். ஆங்கிலேயர்களின் ஆதிக்கப் போருக்கு எதிராக கர்ஜித்த மைசூர் சிங்கம்தான் ஹைதர் அலி.
இவரது முன்னோர்கள் பஞ்சாபைச் சேர்ந்தவர்கள். 17ஆம் நூற்றாண்டில், ஒரு சூபி குடும்பம் குல்பர்காவை நோக்கி வந்தது. அப்பகுதியில் பீஜப்பூர் சுல்தான்களின் ஆட்சி நடைபெற்றுக் கொண்டிருந்தது. ஷியா சிந்தனைப் பிரிவின் தாக்கமும், பாரசீக மொழியின் ஆளுமையும் அப்பகுதியில் இருந்தது. அக்குடும்பத்தில் மார்க்க அறிஞர்கள், போர் வீரர்கள், தர்ஹா பணியாளர்கள் என பலரும் இருந்தனர்.
மேலும் படிக்க

இமாம்களின் தியாகச் சுவடுகள்

அப்துர் ரஹ்மான் முபாரக் பூரி
ஹிஜ்ரீ 1353-ல் ஒரு மிகப்பெரிய அறிஞர் வருகின்றார். ஆம்! அவர்தான் அப்துர் ரஹ்மான் முபாரக்பூரி. இந்தியாவில் பிறந்த அவர்கள் மார்க்கத்தை கற்றுக்கொண்டு இந்த குர்ஆன், சுன்னாவிற்காக செய்த தியாகம் மகத்தானதாகும். திர்மிதீ என்கிற நூலை நாம் பார்த்திருக்கிறோம். அந்த நூலிற்கு இமாம் அவர்கள் ஸுஹ்பதுல் அஹ்வதீ என்கிற ஓர் அருமையான விளக்கவுரை நூலை எழுதுகின்றார்கள்.
மேலும் படிக்க

உடைந்த ரகசியங்கள் – Wikileaks (விக்கீ லீக்ஸ்)

இணையதளம் ரகசியங்களை பாதுகாக்கும் பெட்டகம் இல்லை என்பதை ‘விக்கிலீக்ஸ்’ என்ற இணையதளம் உண்மை படுத்திவிட்டது. பாதுகாப்பின் உச்சம் என்று உலகம் நம்பும் பென்டகனின் ரகசியங்களை நோண்டியிருக்கிறது இந்த இணையதளம்.

16 வயதிலேயே கணிணியின் சகல பரப்பிலும் புகுந்து விளையாடிய ஜீலியன் பால் அசஞ்சே (Julian paul Assa nge) என்ற 39 வயது இளைஞர் அமெரிக்காவின் ராணுவ ரகசியங்களை விஞ்ஞான தொழில் நுட்பத்தை கொண்டு பக்கம் பக்கமாக களவாடிவிட்டார்.

இந்த செயல் மூலம் ஒரு செங்கல் கூட தகர்க்கப்படாமல் பெண்டகன் மீது அசஞ்சே விஞ்ஞான யுத்தம் (Scientific War) நடத்தியுள்ளார். தற்போது, அசஞ்சே அமெரிக்காவுக்கு பின்லாடனை விட ஆயிரம் மடங்கு ஆபத்தானவர் என்று அமெரிக்கர்களே சொல்லத் தொடங்கிவிட்டார்கள். காயம் பலமாக இருக்கிறது. ஆனால் அழுகையும் கண்ணீரும் இல்லை, ரத்தமும் யுத்தமும் இல்லை. ஆனால் கோபம் விம்மி தெரிக்கவே செய்கிறது.

மேலும் படிக்க

இந்தியாவை ஆட்டிப்படைத்த ஊழல்கள்

இரண்டாம் ஐக்கிய முற்போக்கு அரசின் கற்பை மூன்று ஊழல்கள் பலாத்காரம் செய்திருக்கின்றன. காமன்வெல்த் போட்டிகள், ஸ்பெக்டரம் எனும் அலைகற்றை விற்பனை, மும்பை ஆதர்ஷ் குடியிருப்பு ஆகிய மூன்று ஊழல்கள் கடந்த மாதம் சுனாமி வேகத்தில் சுழன்றடித்தன. ஊழல் குற்றச்சாட்டுகளை சுமக்காத கட்சிகளோ, ஆட்சிகளோ இந்தியாவில் இல்லை எனலாம். மக்களும் ஊழலை பொருட்படுத்தி ஒரு அரசை தேர்ந்தெடுப்பதாக இல்லை.
சந்தர்ப்பவாதம், சமூகவியல் சூழல், சாதிய வாக்கு வங்கி, சிறுபான்மை பாதுகாப்பு, தேர்தலிலும் அதன்பின்னரும் ஏற்படும் கூட்டணி சூத்திரங்களே ஐந்தாண்டுக்கொரு முறை அரசை தேர்ந்தெடுக்கும் முக்கிய காரணங்களாக மாறிப்போனதால் அரசியல்வாதிகளுக்கு ஊழல் செய்வது அரசுக்கு ஆபத்தான ஒரு செயலாக இல்லை.
அரசின் எந்த ஒரு திட்டமும் ஊழல் கலக்காமல் நிறைவேறவழியில்லை. திட்டங்கள் தீட்டினால் ஊழலில் சம்பாதிக்காலம் என்பது ஒரு அரசியல் வாய்ப்பாடு. யார் யாருக்கு எத்தனை சதவீதம் வேண்டும் என்பதில் தான் பிரச்சனை.
மேலும் படிக்க

சகலமும் நிறைந்த ஸஃபர் மாதம்

ஹிஜ்ரீ மாதங்களான 12 மாதங்களில் ஒன்று ஸஃபர் மாதமாகும். இது ஹிஜ்ரீயின் முதல் மாதமான முஹர்ரம் மாதத்தை அடுத்து வரக்கூடியது.
ஸஃபர் என்றால் காலியாகுதல் என்று பொருள். ஸிஃபர் என்றால் ஒன்றும் இல்லாததற்கு சொல்லப்படும். எண்ணிக்கையில் ஒன்றும் இல்லாததற்கு பூஜியம் என்று தமிழில் கூறுவதுபோல ஆங்கிலத்தில் ஸைஃபர் என்றும் அரபியில் ஸிஃபர் என்றும் கூறுவர்.
ஸஃபர் மாதத்தில் மக்காவை விட்டு மக்காவாசிகள் அனைவரும் வெளியேறி பயணித்து விடுவதால் இப்பெயர் வந்ததாக சிலர் கூறுகின்றனர். முஹர்ரம் மாதம் போர் செய்ய தடுக்கப்பட்ட மாதமாக இருந்ததால் போர் செய்யாமல் இருந்து விட்டு அடுத்து வரக்கூடிய ஸஃபர் மாதத்தில் போருக்காகப் புறப்பட்டு ஊரில் ஒருவர் கூட இல்லாமல் ஊரை காலி செய்து விடுவதால் ஸஃபர் என்று பெயர் வந்திருக்கலாம் என்றும் கூறப்படுகிறது.
ஸஃபர் மாதம் சம்பந்தமாக நான்கு விஷயங்களை மையமாகக் கொண்டு நமது ஆய்வு அமைகிறது.
மேலும் படிக்க

‘சமுதாய ஒற்றுமைக்காக’ உழைத்திடுவீர்!

‘சமுதாய ஒற்றுமைக்காக’ உழைத்திடுவீர்!
கொள்கை ரீதிதியாகவும் சமூக ரீதியாகவும் தமிழகத்தில் ஏற்பட்டுள்ள பிளவுகளும் பிரச்சனைகளும் ஏராளம்! இதனைக் கண்ட, அல்குர்ஆனையும் சுன்னாவையும் முறையாகப் பின்பற்றும் அஹ்லுஸ் ஸுன்னா வல்ஜமாஆ கொள்கையைச் சார்ந்த மார்க்க அறிஞர்கள் சிலர்பட்ட கவலையின் வெளிப்பாடுதான் சமுதாய ஒற்றுமை! மாதஇதழ்
மனித சமூகத்தை ஒன்றிணைக்க இஸ்லாம் ஒன்றே வழி எனும் போது முஸ்லிம் சமுதாய பிளவுகளுக்கு இஸ்லாம் ஒருபோதும் காரணமாகாது என்பதுதான் சமுதாய ஒற்றுமையின் அசைக்கமுடியாத நம்பிக்கை!
மேலும் படிக்க

தன்மானப் போரில் சுதந்திரம் மலரும்!

ஆப்கானியர்கள்
பிறவி போராளிகள்!
அவர்கள் நெருப்பையும்
எரிக்கும்
நெருப்புகள்.
எதிரிகளோடு
போராடுவதே
அவர்களது வாழ்க்கை!
அது, அடக்குமுறைக்கு
பணியாத
சுதந்திர வேட்கை!
மேலும் படிக்க

நேரத்தை முறைப் படுத்துவோம்

நம்ம நேரத்தை நன்றாக திட்டமிட்டு செலவு செய்ய, அப்படிச்செய்தபின் அதற்கான தக்க பலனையும் அடைய உளவியலாளர்கள் பரிந்துரைக்கும் 10 முத்தான, அதேசமயம் மிகவும் சுலபமான (?) வழிகளை பின்வரும் பட்டியலில் பார்ப்போம்..
ஒரே நேரத்தில் பல வேலைகளை செய்வதை நிறுத்துங்கள் (Stop multi tasking) சமீபகாலங்களில், பொதுவாக பயன்படுத்தப்படும் ஆங்கிலச் சொல்தான் இந்த மல்டிடாஸ்கிங் என்பது. அடிப்படையில், அறிவியல்ரீதியாக பார்த்தால் மல்டிடாஸ்கிங் என்பது ஒரு வேலையில் இருந்து இன்னொரு வேலைக்கு தாவுவது/மாறுவது என்று பொருள்படும். நம் மூளையால், ஒரே நேரத்தில் இரண்டு/மூன்று கடினமான செயல்களில் கவனம் செலுத்த முடியாது. ஆக, மல்டிடாஸ்கிங் செய்வது என்பது பயனற்றது மற்றும் அயர்ச்சியைத் தரக்கூடியது!
முக்கியத்துவம் வாய்ந்த செயல்களை தேர்வு செய்து கொள்ளுங்கள் (Set your Priorities) ஒவ்வொரு நாளுக்குமான தலையாய செயல்களை மனதில் பதிவு செய்துகொள்ளுங்கள். உங்கள் தேர்வுகளின் முக்கியத்துவங்கள் மாற்றியமைக்கப்பட்டால் பொறுத்துக் கொள்ளுங்கள். உதார ணமாக, தீப்பற்றிக் கொண்ட ஒரு கட்டிடத்தை விட்டு வெளியேறுவதைவிட பணியிடத்தில் ஒரு விண்ணப்பத்தை எழுதி முடிக்கவேண்டுமென்பது முக்கியமானதல்ல!
மேலும் படிக்க

மொபைல் போன்களால் உருவாகும் ‘நோமொபோபியா’!

மன அழுத்தத்தை ஏற்படுத்தும் காரணிகளில் புதிதாக மொபைல் போன்களும் இணைந்துள்ளன. மொபைல் போன்களால் ஏற்படும் மன அழுத்தத்திற்கு நோமொபோபியா என பெயரிட்டுள்ளனர்.
இது 24/7 காலம். 24 மணி நேரமும் போதாது என்று பதை பதைப்போரும் உள்ளனர். அந்த அளவுக்கு சுறுசுறுப்பாகவும், விறுவிறுப்பாகவும் செயல்பட வேண்டிய காலகட்டத்தில் இன்றையதலைமுறையினர் உள்ளனர்.
இப்படிப்பட்டவர்களுக்கு பல்வேறு வகைகளில் மன அழுத்தம் ஏற்படுவது சாதாரணமானதுதான். இப்போது புதிதாக ஒரு காரணியும் இந்த மன அழுத்தப் பட்டியலில் இணைந்துள்ளது. அதுதான் நோமொபோபியா.
கை, கால்கள் இல்லாமல் கூட இன்றைய மனிதர்களால் உயிர் வாழ்ந்து விட முடியும். ஆனால் மொபைல் போன்கள் இல்லாமல் உயிர் வாழவே முடியாது என்ற நிலையில் இருப்பவர்கள் பல்கிப் பெருகி விட்டனர்.
மேலும் படிக்க

மாவீரன் மருத நாயகம்

சென்ற மாதத் தொடர்ச்சி… (பாகம்-1)
சென்ற மாதத் தொடர்ச்சி… (பாகம்-2)
சிவகங்கை சிக்கல்
ஆங்கிலேயர்களுக்கும் , மருதநாயகத்திற்கும் இடையே பகை முற்றியது, இருதரப்பும் தங்கள் ஆதரவு பலத்தை பெருக்க திட்டங்களை வகுத்தார்கள். குறுநில மன்னர்களை வளைத்தார்கள். அப்போது மருதநாயகத்துக்கு சவால் சிவகங்கையிலிருந்து உருவானது. மருதநாயகத்திற்கு கட்டுப்பட சிவகங்கை சமஸ்தானம் மறுத்தது. சிவகங்கை, திருபுவனம், பார்த்திபனூர் ஆகியவை தனக்குட்பட்டவை என்ற மருதநாயகத்தின் கோரிக்கை புறக்கணிக்கப்பட்டது, சிவகங்கையின் மன்னராக முத்து வடுகையர் இருந்தாலும், அவரை இயக்கி மறைமுக நிர்வாகியாக இருந்தவன் தாண்டவராயன் என்பவன்! அவன், ஆற்காடு நவாபுக்கும், மருதநாயகத்திற்கும் இடையேயிருந்த பூசலை பயன்படுத்திக் கொண்டு, ஆற்காடு நவாபின் உதவியை பெற்றான்.
அவன் தந்திரத்தில் கெட்டிக்காரன். மருதநாயகத்தின் மனைவிக்கு பொன்னும் பொருளும் அனுப்புவதாக ஆசை வார்த்தை காட்டி, மருதநாயகத்தை சரிப்படுத்துமாறு தூதுவிட்டான். அரண்மனை வழியாக நுழைய முடியாதவன், அடுப்பங்கரை வழியாக நுழைய முயற்சித்தான். அதையும் மருதநாயகம் முறியடித்தார்.
மேலும் படிக்க

இனிது, இனிது ஈமான் இனிது…

மூன்று விஷயங்கள் எவரிடம் உள்ளதோ அவர் ஈமானின் சுவையை பெற்றுக் கொண்டார்.
அல்லாஹ்வும் அவனுடைய தூதரும் ஏனைய அனைவரைவிடவும் அவருக்கு விருப்பத்திற்குரியவர்களாக இருக்க வேண்டும்.
ஒரு மனிதனை அல்லாஹ்வுக்காக நேசிக்க வேண்டும்
நெருப்பில் வீசப்படுவதை ஒருவன் எப்படி வெறுப்பானோ அதே போன்று குஃப்ர் (இறை மறுப்புக்கு) திரும்புவதை அவன் வெறுக்கவேண்டும். என்று நபி (ஸல்) அவர்கள் கூறினார்கள். அறிவிப்பவர்: அனஸ் (ரலி) நூல்கள்: புகாரி, முஸ்லிம்
இம்மூன்று பண்புகளும் ஈமானியப் பண்புகளில் மிக உயர்ந்தவையாகும் அவற்றைப் பூரணப்படுத்துபவர் ஈமானின் இனிமையையும் சுவையையும் பெற்றுக் கொள்வார்.
உணவும் பானமும் நாவினால் சுவைக்கப் படுவது போன்று உள்ளத்தினால் சுவைக்கத் தக்க இனிமை ஈமானுக்கு உண்டு. உடலுக்கு உணவைப் போன்று ஈமான் உள்ளத்திற்கு உணவாக உள்ளது. உடல்ஆரோக்கியமாக இருந்தாலே அது உணவின் சுவையை அனுபவிக்கும். நோயுடன் சுவையை அனுபவிக்க முடியாது.
மேலும் படிக்க

அலைபேசி அருமைகளும், அவலங்களும்…

மோட்டாரோலாவின் செங்கல் போன்ற மொபைல் போனி லிருந்து இன்றைய ஆப்பிள் 3ஜி போன், பிளாக் பெர்ரி (Black berry) போன் வரை வளர்ச்சியைக் கொண்ட மொபைல் போனின் வயது சுமார் 27 ஆகிறது.
1983ல் டாக்டர் மார்டின் கூப்பர் 2500 பவுண்ட் விலையில் முதன் முதல் மோட்டாரோலா டைனா ஏ.டி.சி 800 எக்ஸ் என்னும் மொபைல் போனை வர்த்தக ரீதியாகக் கொண்டு வந்தார்.
அப்போதெல்லாம் பெரும் செல்வந்தர்களின் சொகுசு சாதனமாக செல்போன் இருந்து வந்தது. இந்நிலை நீண்ட நாட்களாக இருந்து வந்த போதிலும் அண்மைக்காலமாக அன்றாட வாழ்க்கையின் அத்தியாவசிய சாதனமாக அது மாறிவிட்டது.
மேலும் படிக்க

வரலாற்று பின்னணியில் ஹிஜ்ரா காலண்டர்

ஒவ்வொரு சமுதாயத்திற்கும் அடையாளமாக நாட்காட்டிகள் உள்ளன. அச்சமுதாயங்கள் பெருமைப் படக்கூடிய பல அர்த்தங்கள் அந்த நாட்காட்டிகளில் அடங்கியுள்ளன. மூஸா (அலை) அவர்களின் காலத்தை மதித்து அவர்களின் நபித்துவக் காலத்தில் இருந்து தமது நிகழ்வுகளுக்கு தேதியிட யூதர்கள் ஆரம்பித்ததும், ஈஸா (அலை) அவர்களின் பிறப்பைக் கண்ணியப்படுத்தி அதிலிருந்து தேதியிட கிருத்தவர்கள் ஆரம்பித்ததும் இதனால்தான். இவ்வாறு ஒவ்வொரு சமூகமும் தனது கொள்கை கோட்பாடுகளுடனும் நாகரீகத்துடனும் தொடர்புபடக் கூடிய அம்சங்களை கொண்டு, தமது நாட்காட்டிகளை நிர்ணயித்தனர்.
ஒரு சமூகம் பிற சமூகத்தினால் ஆக்கிரமிக்கப்பட்டு அதன் தாக்கத்தில் உள்ளாகும் போது ஆக்கிரமித்த சமூகங்களின் நாட்காட்டிகளை பின்பற்றியது வரலாறு கூறும் உண்மை. நாட்காட்டிகளின் இவ்வாறான முக்கியத்துவத்தை உணர்ந்து முஸ்லிம்கள் ஹிஜ்ரீ காலண்டரைப் பின்பற்றுவது அவசியமாகின்றது. ஹிஜ்ரி நாட்காட்டியை பின்பற்றுவது இஸ்லாமிய ஆளுமையின் சிறப்பு அடையாளமாகும்.
இந்த விஷயத்தின் முக்கியத்துவத்தைப் புரிந்து கொண்ட இஸ்லாத்தின் எதிரிகள் ஹிஜ்ரா நாட்காட்டியை விட்டும் முஸ்லிம்களை திசை திருப்பி கிருத்துவ நாட்காட்டியைப் திணிப்பதற்கு முயற்சி செய்தனர். அவர்களின் தொடர் முயற்சியால் பெரும்பாலான இஸ்லாமிய நாடுகளில் இதில் வெற்றி கண்டனர். மேற்குலகின் மீதுள்ள கண்மூடித்தனமான மோகத்தால் சவூதி அரேபியா தவிர அனைத்து இஸ்லாமிய நாடுகளும் தங்களின் ஹிஜ்ரா காலண்டர் நடைமுறையை இழந்தன. கிருத்துவக் காலண்டரையே தங்கள் அரசின் அதிகாரப்பூர்வ நாட்காட்டியாக அறிவித்தன.
மேலும் படிக்க

புனித கஃபாவும், அல்லாஹ்வின் அடையாளச் சின்னங்களும்

சென்ற மாத இதழின் தொடர்ச்சி…
கஃபா குரைஷியரால் புனர் நிர்மானம்
குரைஷியரின் நிர்வாகத்தின் கீழ் இயங்கிய கஃபா வரலாற்றுச் சிறப்புமிக்கதோர் புனர் நிர்மானத்திற்கு உட்படுத்தப்பட்டது. நபி (ஸல்) அவர்கள், அன்னை ஆயிஷா (ரழி) அவர்களிடம் உனக்குத் தெரியுமா? உனது சமூகத்தவர்கள் (குரைஷியர்) கஃபாவைக் கட்டிய போது பொருளாதார நெருக்கடியால் இப்ராஹீம் (அலை) அவர்களின் அடித்தளைத்தைச் சுருக்கிவிட்டனர், உனது சமுதாயவத்தவர் புதிதாக இஸ்லாத்தில் இணைந்த மக்களாக இல்லை என்றால் அதை இடித்துவிட்டு, நான் அதை இப்ராஹீம்(அலை) அவர்களின் சரியான அடித்தளத்தின் மீது கட்டி, ஆறுமுளம் அதிகப்படுத்தி, ஹிஜ்ரையும் கஃபாவினுள் கொண்டு வந்து, அதற்கு கிழக்கு மற்றும், மேற்கு வாசல்களையும் வைத்திருப்பேன் எனக் கூறினார்கள். (புகாரி, முஸ்லிம்).
இந்த ஹதீஸ் கஃபா சாதாரண ஒரு உயரத்தில் இருந்து வந்துள்ளதையும், இப்ராஹீம் நபியின் அடித்தளம் சுருக்கப்பட்டு கட்டப்பட்டதற்க பொருளாதாரத நெருக்கடி காரணம் என்பதையும் விளக்குகின்றது. அப்படியானால் அந்தப் பகுதி மக்கள் ‘ஹிஜ்ரு இஸ்மாயீல் என்றழைக்கும் ‘ஹிஜ்ர்’ என்ற அந்த வளைவு மூலை என்பது ஹதீஸ்களில் இருந்து புரிய முடிகிறது. அது பற்றிய செய்தி பின்னர் தரப்படும்.
மேலும் படிக்க

இமாம்களின் தியாக சுவடுகள்

அல்லாஹ்வின் மார்க்கத்தை ஏற்றிருக்கும் நாம் அந்த மார்க்கத்திற்குச் செய்ய வேண்டிய கடமைகளை அறிந்து கொள்ள வேண்டும். இந்த மார்க்கம் எவ்வாறு நம்மை வந்தடைந்தது, இந்த மார்க்கத்திற்கும் நமக்கும் மத்தியிலுள்ள தொடர்புகள் எவ்வாறு அமையவேண்டும், என்பதையெல்லாம் நாம் புரிந்துக் கொண்டால் தான் இந்த மார்க்கத்தை முழுமையாக நம்முடைய வாழ்க்கையில் நடைமுறைப்படுத்த முடியும்.
மார்க்கத்தை நிலை நாட்டும் பொறுப்பு அல்லாஹ்வினுடையது:
இஸ்லாத்தை இந்த பூமியில் நிலை நாட்டுவதற்கும்; இஸ்லாமிய மார்க்கத்திற்கு வரும் அனைத்து விதமான அச்சுறுத்தல்களையும் தவிடு பொடியாக்கி மார்க்கத்தை இந்த பூமியில் மேலோங்கச் செய்வதற்கும் உரிய மாபெரும் பொறுப்பை அல்லாஹ் ஏற்றுக்கொண்டுள்ளான். ஆகவே அந்தப்பணிகளுக்கு ஏற்ற, தகுந்த மக்களை ஒவ்வொரு காலகட்டத்திலும் அல்லாஹ் தேர்ந்தெடுத்து அனுப்பிக் கொண்டேயிருக் கின்றான்.
அவனே தன் தூதரை நேர் வழியுடனும், சத்திய மார்க்கத்துடனும் அனுப்பி வைத்தான் -முஷ்ரிக்குகள் (இணை வைப்பவர்கள், இம்மார்க்கத்தை) வெறுத்த போதிலும், எல்லா மார்க்கங்களையும் இது மிகைக்குமாறு செய்யவே அவ்வாறு தன் தூதரையனுப்பினான்.
(அல்குர்ஆன்: 9:33)
மேலும் படிக்க

ஹிஜ்ரி ஆண்டின் துவக்கம்: முஹர்ரம்

இப்பூமியில் வாழக்கூடிய மக்கள் காலத்தை கணக்கிடுவதற்கு பல்வேறு மாதங்களையும் நாட்களையும் உண்டாக்கி வைத்துள்ளனர்.
ஜனவரியை துவக்கமாக கொண்ட ஆங்கில வருடபிறப்பு, சித்திரையை துவக்கமாக கொண்ட தமிழ்வருட பிறப்பு போன்று பலவருடபிறப்புகள் நடைமுறையில் உள்ளன.
நபி(ஸல்) அவர்களது ஹிஜ்ரத்தை அடிப்படையாக கொண்டு இஸ்லாமிய ஆண்டுகள் கணக்கிடப்படுகின்றன. அனைவரிடத்திலும் ஓராண்டுக்கு 12 மாதங்கள் என்ற அளவிலேயே கணக்கிடப்படுகின்றன.
நிச்சயமாக அல்லாஹ்விடத்தில் அல்லாஹ்வுடைய (பதிவு) புத்தகத்தில் வானங்களையும் பூமியையும் படைத்த நாளிலிருந்தே மாதங்களின் எண்ணிக்கை பன்னிரண்டு ஆகும். அவற்றில் நான்கு (மாதங்கள்) புனிதமானவை இது தான் நேரான மார்க்கமாகும். ஆகவே அம்மாதங்களில் (போர் செய்து) உங்களுக்கு நீங்களே தீங்கிழைத்துக் கொள்ளாதீர்கள். (அல்குர்ஆன் 9:36)மேலும் படிக்க

பாபர் மஸ்ஜித் விவகாரம்: போராட்டங்கள் வலிமைப்படுத்தப்பட வேண்டும்

இந்திய ஒருமைப்பாட்டின் அடையாள சின்னங்களில் ஒன்றான பாபர் மஸ்ஜித். காவி பயங்கரவாதிகளால் இடித்து நொறுக்கப்பட்டு 18 ஆண்டுகள் கடந்து விட்டது.
1992 டிசம்பர் 6 ஆம் நாள், அந்த கறுப்பு ஞாயிற்றுக்கிழமையில் நடந்து முடிந்த அந்த பயங்கரவாதம், இந்தியாவின் ஒற்றுமைக்கும், அமைதிக்கும் பேராபத்தை ஏற்படுத்தி விட்டது.
இந்தியாவின் அரசியல் கண்ணியத்தையும், இந்தியர்களின் சகிப்புத்தன்மையையும் சர்வதேச அளவில் நிலைகுலைய வைத்த அந்நிகழ்வு, இன்று வரை அழியாத வரலாற்று கரையாக நிலைத்து விட்டது.
மேலும் படிக்க

லண்டன்: டோனி பிளேரின் மைத்துனி இஸ்லாமானார்

பிளேரின் மனைவி செரி பிளேரின் ஒன்று விட்ட சகோதரிதான் இந்த லாரத் பூத். பிறப்பால் கத்தோலிக்க கிறிஸ்தவர் ஆவார். சமீபத் தில் ஈரான் சென்றிருந்த போது அங்கு இஸ்லாத்தின்பால் ஈர்க்கப்பட்டு இஸ்லாமியராக மாறியுள்ளார்.
உலக அளவில் பிரபலமாகி வரும், ஈரான் தொடங்கியுள்ள 24 மணி நேர ஆங்கில சர்வதேச தொலைக்காட்சியான பிரஸ் டிவியில் இவர் பத்திரிக்கையாளராகப் பணியாற்றுகிறார்.
அமெரிக்க, இங்கிலாந்து ஆதரவு சிஎன்என், பிபிசி போன்றவற்றுக்குப் போட்டியாக அறிமுகமான பிரஸ் டிவி தற்போது உலக அளவில் பிரபலமாகி வருகிறது என்பது குறிப்பிடத்தக்கது. லாரன் பூத் ஒரு மனித உரிமை ஆர்வலரும் கூட.
மேலும் படிக்க

மது, சூதாட்டம், வட்டிக்கு தடை – இப்படியும் ஒரு கிராமம்!

மது, கந்துவட்டி, கல்லாமை என திசைக்கொரு தளைகளில் சிக்குண்டு, இருட்டில் தவித்த மக்களை மீட்டு, தங்கள் கிராமத்தை மாதிரி கிராமமாக மாற்றியிருக்கிறது அம்மாப்பட்டினம் பொதுநல இளைஞர் பேரவை.
பட்டுக்கோட்டை-ராமேஸ்வரம் கிழக்குக் கடற்கரைச் சாலையில், புதுக்கோட்டை மாவட்டத்தின் சற்று உள்ளடங்கிய கிராமம் அம்மாப்பட்டினம். ஊர் எல்லைகளில் வைக்கப்பட்டுள்ள ‘வட்டி தடை செய்யப்பட்ட கிராமம்’ என்ற அறிவிப்புப்பலகையே இக்கிராமத்தின் தனித்துவத்தை உணர்த்துகிறது. சுமார் 2000 பேர் வசிக்கும் இக்கிராமத்தில் பலருக்குத் தொழில் மளிகை வியாபாரம். மீனவர்கள், விவசாயிகளும் உண்டு.
“எல்லாருமே ஒரு காலத்தில் கடலை நம்பி பொழச்சவங்கதான். எங்கூர்ல இருந்து 12 கி.மீ தான் லங்கா. அந்தக்காலத்துல எங்க மூதாதைங்க, நம்மூர்ல மளிகைச் சாமான்களை வாங்கிட்டு படகுல போயி, லங்கா மலைத்தோட்டங்கள்ல வேலை செஞ்ச மக்கள் கிட்டவித்துவிட்டு வருவாங்க. 83ல நடந்த இனக்கலவரத்துக்குப் பெறவு, இந்த யாவாரம் முடங்கிப்போச்சு. அதுக்குப் பெறவு, தமிழ்நாட்டுல பல இடங்கள்ல மளிகைக்கடையை திறந்துட்டாங்க.
இப்ப 350க்கும் மேற்பட்டவுகளுக்கு அதுதான் தொழில். ஜனப்பிரியா மளிகை, தமிழ்நாடு மளிகை, சோழன் மளிகை, இந்தியன் மளிகை, தீன் மளிகை, நேஷனல் மளிகை… இந்த பேரை எந்த ஊர்ல பாத்தாலும் அது எங்க ஊராளுங்க கடைதான்!” என்கிறார் சையத் இப்ராஹிம். இவர் தான் இளைஞர் பேரவையின் செயலாளர். இளைஞர் பேரவையில் மொத்தம் 150 பேர் உறுப்பினர்கள். இந்தப் பேரவையை தொடங்க நேர்ந்த சூழலை விவரிக்கிறார் தலைவர் சாகுல் ஹமீது.
மேலும் படிக்க

Facebook – கிற்கு தடை

உலகப் புகழ்பெற்ற வோஸ்கஸ்வோகன் ( Volkswagen ) , ஹெயடல்பெர்க் சிமென்ட் (Heidelberg Cement) போன்ற மிக பெரிய ஜெர்மன் நிறுவனங்கள் ஃபேஸ்புக், ட்விட்டர் ஆகியவற்றை பயன்படுத்த தடை விதித்துள்ளது.
சமீபத்தில் பாகிஸ்தானில் ஃபேஸ்புக்கிற்கு தடை விதிக்கப்பட்டது, முஸ்லிம்களை பற்றி அவதூறு பரப்பப்படுவதாகவும், முகமது நபியைப் பற்றி நாகரிகமற்ற முறையில் விமர்சிப்பதாகவும் கூறி பாகிஸ்தானில் தடைசெய்யப்பட்டு இருந்தது. இதற்கு உலகம் முழுவதும் விமர்சனங்கள் எழுந்ததன. ஆனால் இன்று நாகரிக நாடாகவும், முழு கல்வி அறிவு பெற்ற ஜனநாயக நாடாகவும் கருதப்படும் ஜெர்மனியில் உலக முழுவதும் வியாபாரம் பரப்பியுள்ள முன்னணி நிறுவனங்கள் ஃபேஸ்புக், ட்விட்டர் ஆகியவற்றை பயன்படுத்த தடை விதித்துள்ளது.
இந்த நிறுவனங்களின் வியாபார கொள்கைகள், செயல்திட்ட அமைப்புகளை, இலாபம் ஈட்டும் நடைமுறைகளை உலகில் பல முன்னணி பல்கலைகழகங்கள், கல்லூரிகள் தங்கள் பாட திட்டத்தில் சேர்த்துள்ளது குறிப்பிடத்தக்கது. ஜெர்மனியின் புகழ்பெற்ற பொருளாதார நாளேடான (Wirtschaftswoche) வெளியிட்டுள்ள செய்தியில் இந்த சமுக வலைதளங்கள் மூலம் ஜெர்மனிய நிறுவனங்களின் பாதுகாப்புக்கு அச்சுறுத்தலாக இருப்பதாக, அவற்றின் ரகசிய நிறுவனம் தெரிவித்துள்ளது.
மேலும் படிக்க

ஆபாச ஆடைகளுக்கு தடை!

உடல் அங்கங்களை வெளிப்படுத்தி ஆபாசத்தை உருவாக்கும் ஆடைகளுக்கு தடை விதிக்க இத்தாலியின் கடலோர நகரம் திட்டமிட்டுள்ளது. பொது சமூகத்தின் கண்ணியத்தை நிலை நிறுத்தவும், சமூக பாதுகாப்பிற்கும் இத்தகைய சட்டங்கள் உதவும் என காஸ்டெல்லாமர் டிஸ்டாபியா நகர மேயர் லூகிபோபியோ தெரிவிக்கிறார்.
நகரத்தின் அந்தஸ்தை நிலைநாட்டவும், குடிமக்களுக்கிடையே பரஸ்பர ஒத்துழைப்பு மனோபாவத்தை உருவாக்கவும் இத்தகைய சட்டங்கள் தேவை எனவும் அவர் தெரிவிக்கிறார்.
மேலும் படிக்க

மாவீரன் மருத நாயகம்

சென்ற மாதத் தொடர்ச்சி…
மருதநாயகம் மதுரையை தலைநகராக கொண்டு தென் தமிழகத்தில் பெரும் பகுதியை சுமார் 71/2 ஏழரை ஆண்டுகாலம் சிறப்பாக ஆட்சி செய்தார். நான் போர்வீரன் மட்டுமல்ல… மிகச்சிறந்த ஆட்சியாளன் என்பதையும் தனது செயல்பாடுகளால் பதிவு செய்தார். அவரது ஆட்சியில்தான் தென்தமிழகம் பொதுப்பணித் துறையில் சிறப்பாக உருவாகியது.
ஆற்காடு நவாபின் கடும் எதிர்ப்பையும் மீறி 6.4.1756ல் மதுரை மண்டலத்தின் ஆட்சி நிர்வாகத்தை, ஆங்கிலேயர்கள் மருதநாயகத்திடம் வழங்கினார்கள். 1759ல் கவர்னர் பதவியை வழங்கினார்கள். தன்னம்பிக்கை இல்லாத ஆற்காடு நவாபை புறக்கணித்து, தன் மீது நம்பிக்கை வைத்த ஆங்கிலேயர்களை; தன் நிர்வாகத்திறனால் வியப்பில் ஆழ்த்தினார் மருதநாயகம்!
காவிரி காவலன்!
மக்களை காப்பதிலும் சரி, அவர்களின் எழிலார்ந்த வாழ்வை உயர்த்துவதிலும் சரி, மருதநாயகம் தொலை நோக்கு பார்வையுடன் செயல்பட்டார். ஒருமுறை பிரெஞ்சுப் படைக்கு எதிராக போர் நடத்திக் கொண்டிருந்த போது, போரின் ஒரு திட்டமாக காவிரியாற்றின் கால்வாய்களையும், தடுப்பணைகளையும் உடைக்கும் பணியை பிரெஞ்சுப் படை செய்யத் துணிந்தது. இதன் மூலம் மருதநாயத்தின் படையை வெள்ளத்தில் மூழ்க செய்வது அவர்களின் திட்டம். இதை உளவு மூலம் அறிந்த மருதநாயகம், பிரெஞ்சுப் படையின் திட்டத்தை தவிடுபொடியாக்கினார். இதன் மூலம் தஞ்சை மண்டலத்தில் விவசாயத்தையும், விவசாயிகளையும் காப்பாற்றினார்.
பொதுப்பணித்துறை
நாட்டின் வளத்தை பெருக்குவதிலும், அடிப்படை கட்டமைப்புகளை உருவாக்குவதிலும் அன்றைய கால கட்டத்தில் மருதநாயகம் மிகச் சிறந்த முன்மாதிரி ஆட்சியாளராக திகழ்ந்தார். இன்று மதுரையில் இருக்கும் கான்சா மேட்டுத் தெரு, கான்சாபுரம், கான்பாளையம் போன்ற பகுதிகள் அவர் காலத்தில்தான் உருவாக்கப்பட்டன. விருதுநகர் மாவட்டம் ராஜபாளையம் மற்றும் கூமாப்பட்டிக்கு அருகே உள்ள கான்சாஹிபுரம், தூத்துக்குடி மாவட்டம் எட்டயபுரம் மற்றும் தேனி மாவட்டம் பெரிய குளம் அருகிலுள்ள கான்சாஹிப்புரம் அல்லது மம்சாபுரம் ஆகியன அவரது புகழை கூறிக்கொண்டிருக்கின்றன.
மேலும் படிக்க

அரஃபா பேருரையும், மனித உரிமைப் பிரகடனமும்!

அன்றைய அரபுலகில் உ ய ர் கு ல மா க போ ற் ற ப் ப ட் டு வ ந் த குரைஷிப் பரம்பரையில் அப்துல்லாஹ், ஆமினா என்ற தம்பதிகளுக்கு கி.பி. 571ல் மக்கா நகரில் பிறந்தார்கள் முஹம்மது (ஸல்) அவர்கள். சி று வ ய திலேயே பெற்றோரை இழந்து, அநாதையான இவர்களை சிறிய தந்தை அபூதாலிப் என்பவர் பொறுப்பேற்று வளர்த்தார்கள்.
நற்பண்புள்ளவர்களாக வளர்ந்து வந்த அவர்கள் நம்பிக்கையாளர், உண்மையாளர் என சிறப்புப் பெயர் கொண்டு மக்காவாசிகளால் அழைக்கப்பட்டார்கள். பல கடவுள் கொள்கை, பெண் சிசுக் கொலை, மது, மாது, சூது, நிற, இன, கோத்திர வெறி, தேசியவாதம், சாதியம், அதனால் தொடர் சண்டைகள் போன்ற தீமைகளுக்கு அடிமைகளாகவும் சகோதர வாஞ்சையற்ற எதிரிகளாகவும் வாழ்ந்து வந்த அவர்களுக்கு முஹம்மது (ஸல்) அவர்களின் நபித்துவ வருகை மகத்தான விடியலாய் அமைந்தது.
மக்காவில் 13 ஆண்டுகளாக கடும் எதிர்ப்புக்கும் தொல்லைகளுக்கும் மத்தியில் சீர்திருத்தக் கொள்கையை நிலைநாட்டிய முஹம்மது (ஸல்) அவர்கள் அங்கிருந்து சுமார் 450 கி.மீ தொலைவில் உள்ள மதீனாவில் முஸ்லிம்களை குடியமர்த்தினார்கள். தானும் குடியேறி, அங்கே இஸ்லாமிய ஆட்சியை நிறுவினார்கள். ஆரம்பத்தில் அவர்களை எதிர்த்த மக்களில் பல்லாயிரக்கணக்கானோர் இஸ்லாமிய ஆட்சியின் நன்னெறி கண்டு இஸ்லாத்தைத் தழுவலாயினர்.
மேலும் படிக்க

குர்பானி சட்டங்கள்

இஸ்லாத்தில் இரண்டு பெருநாட்கள் உண்டு. ஒன்று நோன்பு பெருநாள், மற்றொன்று ஹஜ்ஜுப் பெருநாள். இந்த இரண்டு பெருநாட்களும் இரண்டு விதமான தர்மங்களை அடிப்படையாக கொண்டவை. நோன்புப் பெருநாளில் சதகத்துல் பித்ர் என்னும் தர்மம் கடமையாக்கப்பட்டு இருப்பது போல் ஹஜ்ஜுப் பெருநாளில் குர்பானி கடமையாக்கப்பட்டுள்ளது. ஆடு, மாடு, ஒட்டகம் ஆகியவற்றை இறைவனுக்காக அறுத்தப் பலியிடுவது தான் குர்பானி.
குர்பானி கொடுக்கும் நாட்கள்:
குர்பானியை பெருநாள் தினத்தில் பெருநாள் தொழுகை முடிந்த பிறகுதான் கொடுக்க வேண்டும். நபி(ஸல்) அவர்கள் ஹஜ்ஜுப் பெருநாள் தினத்தில் தொழுகைக்குப் பின் உரை நிகழ்த்தினார்கள். அவ்வுரையிலேயே யார் இத்தொழுகையை நிறைவேற்றி விட்டு குர்பானி கொடுக்கிறாரோ அவர் தான் அக்கடமையை நிறைவேற்றியவர் யார்
தொழுகைக்கு முன்னால் அறுக்கிறாரோ அவர கடமையை நிறைவேற்றியவர் ஆகமாட்டார் என குறிப்பிட்டார்கள். அறிவிப்பவர்: பராஃ(ரலி) நூல்: புகாரி.
மேலும் படிக்க

புனித கஃபாவும், அல்லாஹ்வின் அடையாளச் சின்னங்களும்…

கஃபா புனித மக்காவில் அமையப் பெற்றிருக்கின்ற காரணத்தாலும், புனித ஹரமைக் குறித்து நிற்பதாலும் இந்த தலைப்பினை கஅபா ஆலயம் பற்றியும், அதனோடு தொடர்பான அடையாளச் சின்னங்கள் பற்றியும் இங்கு காணவிருக்கின்றோம்.
கஃபாவின் அமைவிடம் : சவூதி அரேபியாவின் மக்கா நகரில் அமைந்திருக்கின்ற புனித கஅபா ஆலயம் பூமியின் மையப்பகுதியில் அமைந்திருக்கின்றது. இதை எகிப்து நாட்டைச் சேர்ந்த புவியியல் ஆய்வாளர் ஒருவரும் உறுதி செய்துள்ளார். இது பற்றி அறிஞர் ஜாகிர் நாயக் என்பவரும் தனது உரை ஒன்றில் குறிப்பிட்டுள்ளார்.
மக்காவின் மறுபெயர்கள்:
இது மனிதர்கள் அல்லாஹ்வைத் தூய்மையாக வணங்கி, வழிபட பூமியில் நிறுவப்பட்ட முதலாவது ஆலயமாகும். இதன் சிறப்பைப் பிரதிபலிப்பதற்காக அது பல பெயர்களில் அழைக்கப்படுகின்றது.
மேலும் படிக்க

மன்மோகன் அரசின் ஏமாற்று வித்தை – ஆசிரியர் பக்கம்

வட்டியில்லாமல் இயங்கும் இஸ்லாமிய வங்கிகள் வெற்றிகரமாக செயல்பட்டு வரும் மலேசியாவின் தலைநகர் கோலாலம்பூரில் செய்தியாளர் கூட்டத்தில் கேட்கப்பட்ட ஒரு கேள்விக்கு பதில் அளிக்கையில் இந்தியாவில் இஸ்லாமிய வங்கிகள் இயங்குவது தொடர்பாக மத்திய ரிசர்வ் வங்கியிடம் கருத்து கேட்கப்போவதாக பிரதமர் மன்மோகன் சிங் குறிப்பிட்டள்ளார்.
இதனை தொடர்ந்து மீண்டும் இஸ்லாமிய வங்கிகள் குறித்து இந்திய ஊடகங்களில் பரபரப்பாக செய்திகளும் வாசகர் கருத்து கணிப்புகளும் நடத்தப்பட்டுள்ளன.
திரு. மன்மோகன் சிங் நமது நாட்டின் பிரதமர் மட்டுமல்ல. அவர் ஒரு சிறந்த பொருளாதார நிபுணர் என்று அறியப்படக் கூடியவர். உலக வங்கி மற்றும் பன்னாட்டு நிதியகத்தில் (ஐ.எம்.எப்) ஆகிய நிறுவனங்களில் பணியாற்றியவர். மலேசியாவில் இஸ்லாமிய வங்கிகள் மிகப் பிரமாண்டமான முறையில்
செயல்பட்டு வருவதாகவும் அவை தன்னை மிகவும் கவர்ந்துள்ளதாகவும் தெரிவித்த பிரதமர், ரிசர்வ் வங்கியிடம் இஸ்லாமிய வங்கிகளை இந்தியாவில் இயங்க அனுமதிப்பது குறித்து கருத்து கேட்கப்போவதாக அவர் அறிவித்துள்ளார்.
மேலும் படிக்க

அயோத்தியத் தீர்ப்பு இரண்டாவது கரசேவை?

அறுபதாண்டு கடந்து
அறிவிக்கப்பட்டது
‘அயோத்தியத் தீர்ப்பு’
(சில எழுத்துக்களை
மாற்றிப் படித்தாலும்
தவறில்லை)
நீதிமன்றத்தை
அவமதிப்பது
பெருங்குற்றம்
நீதிமன்றம்
நீதியை அவமதிப்பது…?
மேலும் படிக்க

வட்டியில்லாத் திட்டத்தை நோக்கி…

அழகிய கடன் அறக்கட்டளை
ஒரு வருட கால தவணையில் கடன்!- JAQH மதுரை
திண்டுக்கலில் பைத்துல் மால்!
பள்ளிவாசல்கள் தோறும் பைத்துல்மால் வேண்டும்
சிறுசேமிப்புத் திட்டம் பைத்துல்மாலாகியது – த.மு.மு.க. விருதுநகர்
38 வருட சேவையில் தமிழ்நாடு ஜமாஅத்தே இஸ்லாமியின் வாணியம்பாடி பைத்துல்மால்
வட்டியின் கோரப்பிடியிலும் பொருளாதாரச் சுரண்டலிலும் சிக்கத் தவித்த அரபு மக்களுக்கு 1400 வருடங்களுக்கு முன்னரே விடுதலை வழங்கியது இஸ்லாம்.
‘வட்டியை என்னுடைய காலடியில் மிதிக்கிறேன்! கொடுத்த தொகைக்கு அதிகமாக எதையும் இனிமேல் பெறக் கூடாது!’ என்ற நபி (ஸல்) அவர்களின் வீர முழக்கம் அன்றைய ஏழைகளுக்கு மறுவாழ்வு தந்தது.
வட்டியின் இறுதி முடிவு கஷ்டத்தில்தான் முடியும்! வட்டிப் பொருளாதாரத்தில் அல்லாஹ்வின் பரகத் ‘அபிவிருத்தி’ இருக்காது! வட்டி வாங்குபவனும் கொடுப்பவனும் கணக்கெழுதுபவனும் அதற்காக சாட்சி சொல்பவர்களும் அல்லாஹ்வின் சாபத்திற்குரியோர்! அந்த சாபத்தில் அனைவரும் சமமானவர்கள்! என்றெல்லாம் மார்க்கம் எச்சரிக்கிறது.
மேலும் படிக்க

மாவீரன் மருத நாயகம்

வரலாற்றின் பக்கங்களில் புழுதி படிவதும், காலம் அதனை துடைத்து மானுடத்தின் பார்வைக்கு கொண்டு வருவதும் எப்போதும் நிகழக் கூடியதாகவே இருக்கிறது.
1997ல் கலைஞானி என திரையுலகம் வர்ணிக்கும் பிரபல நடிகர் கமல்ஹாசன் மிகப் பெரிய வரலாற்று படத்தை எடுக்கப் போவதாக அறிவித்தார்.
அப்படத்தின் தொடக்க விழாவுக்கு இங்கிலாந்து ராணி எலிசபெத் சிறப்பு விருந்தினராக வருகை தந்தார். அன்றும் முதல்வராக இருந்த கலைஞர் மூப்பனார் உள்ளிட்ட புகழ் பெற்றவர்கள் எல்லாம் கலந்து கொண்டதால் அப்படம் மிகப் பெரிய எதிர்பார்ப்பை பெற்றது.
படத்திற்குப் பெயர் மருதநாகயம்! படமோ நிஜத்தில் நடந்த வரலாறை பின்னணியாகக் கொண்டது. திரையுலகில் வாழக்கையை தொலைக்கும் தமிழகம், இதை பரபரப்பாக விவாதித்தது. யார் அந்த மருத நாயகம்? அவரது போராட்ட வரலாறு என்ன? இந்த கேள்விகள் பலரையும் உசுப்பியது போல் தமிழக முஸ்லிம்களையும் உசுப்பியது.
காரணம், அவர் ஒரு முஸ்லிம். ஆங்கிலேயரை எதிர்த்த விடுதலைப் போராட்ட வீரன்! அடங்க மறுத்த வீரத் தமிழன்! அப்படி பல செய்திகள் கொஞ்சம், கொஞ்சமாய் வெளிவந்தது.
மேலும் படிக்க

மாவீரன் மருத நாயகம்

வரலாற்றின் பக்கங்களில் புழுதி படிவதும், காலம் அதனை துடைத்து மானுடத்தின் பார்வைக்கு கொண்டு வருவதும் எப்போதும் நிகழக் கூடியதாகவே இருக்கிறது.
1997ல் கலைஞானி என திரையுலகம் வர்ணிக்கும் பிரபல நடிகர் கமல்ஹாசன் மிகப் பெரிய வரலாற்று படத்தை எடுக்கப் போவதாக அறிவித்தார்.
அப்படத்தின் தொடக்க விழாவுக்கு இங்கிலாந்து ராணி எலிசபெத் சிறப்பு விருந்தினராக வருகை தந்தார். அன்றும் முதல்வராக இருந்த கலைஞர் மூப்பனார் உள்ளிட்ட புகழ் பெற்றவர்கள் எல்லாம் கலந்து கொண்டதால் அப்படம் மிகப் பெரிய எதிர்பார்ப்பை பெற்றது.
படத்திற்குப் பெயர் மருதநாகயம்! படமோ நிஜத்தில் நடந்த வரலாறை பின்னணியாகக் கொண்டது. திரையுலகில் வாழக்கையை தொலைக்கும் தமிழகம், இதை பரபரப்பாக விவாதித்தது. யார் அந்த மருத நாயகம்? அவரது போராட்ட வரலாறு என்ன? இந்த கேள்விகள் பலரையும் உசுப்பியது போல் தமிழக முஸ்லிம்களையும் உசுப்பியது.
காரணம், அவர் ஒரு முஸ்லிம். ஆங்கிலேயரை எதிர்த்த விடுதலைப் போராட்ட வீரன்! அடங்க மறுத்த வீரத் தமிழன்! அப்படி பல செய்திகள் கொஞ்சம், கொஞ்சமாய் வெளிவந்தது.
கட்டபொம்மனை போற்றியவர்கள், மருதநாயகத்தை மறந்து விட்டார்கள். ஐந்தாம் வகுப்பு பாடப் புத்தகத்தில் கூட அவரது வரலாறு இல்லை. ஒரு நடிகர் அதை படமாக எடுக்காவிட்டால், அவரது வரலாறு வெளியே தெரிந்திருக்காது என்பதுதான் உண்மை. கசப்பான உண்மை!
இனி கான்சாஹிப் மருதநாயகத்தோடு பயணிப்போம்!
மேலும் படிக்க

இஸ்லாம் ஃபோபியா பீதியில் மேற்குலகம்

இஸ்லாம்போபியா என்ற சொல்லாட்சி 1980களில் முதன்முறையாக உலக அரங்கில் வழங்கப்பட்டது இது முஸ்லிம் சமூகத்திற்கு எதிராக திட்டமிட்டு செய்யப்பட்ட பிரச்சாரத்தினால் இந்த உலகம் சந்தித்த சோதனைகள் ஏராளம்.
பொதுவாக போபியா என்பது பய வியாதியை குறிப்பிடும் சொல் என்பது உங்களுக்கு தெரியும் . இருளைக்கண்டால் பயம் உயரத்தைக்கண்டால் பயம் உள்ளிட்ட நூற்றுக்கும் மேற்பட்ட கண்டால் பயம் வகைகள் பயந்த சுபாவம் கொண்ட மனிதர்களை நாளும் அச்சத்திலும் அல்லலிலும் ஆழ்த்தியது தற்போதும் ஆழ்த்தியும் வருகிறது.
சாதாரண நாயைக்கண்டால், இல்லாத பேயைக் கண்டால் பயப்படும் வியாதியைப்போல் இஸ்லாம் போபியாவை அவ்வளவு சாதாரணமாக எடை போட முடியாது. உலக நாடுகளை குறிப்பாக அமெரிக்கா உள்ளிட்ட ஆதிக்க சக்திகளை அது படுத்தி எடுத்திருக்கிறது. இஸ்லாம்போபியா என்பது மேற்குலகில் வாழும் மக்களிடையே ஒரு மன முதிர்ச்சியற்ற நிலையை ஏற்படுத்தியது.
இஸ்லாத்தை, முஸ்லிம்களை, திருக்குர்ஆனை முஸ்லிம் கலாச்சாரத்தை வேகவேகமாக ஏற்படுத்தி வரும் அதன் தாக்கத்தை மட்டுப்படுத்த சூழ்ச்சி மனம் படைத்த கொடியவர்களால் குறிபார்த்து வீசப்பட்ட தந்திரச்சொல் தான் இஸ்லாம்போபியா இஸ்லாம் என்பது குளிர்ச்சி நிறைந்த எழுச்சி நிறைந்த ஓர் நேர்வழிப்பாதை என்பதை தாங்கிக் கொள்ள முடியாத அந்த பிற்போக்கு சக்திகள் தாக்குதல் தொடுப்பதற்காகவே இந்த சொல்லாடலை பயன்படுத்து வதாக சமூக நல ஆர்வலர்கள் குறிப்பிடுகின்றனர்.
சரி இந்த இஸ்லாம்போபியாவின் விஷமம், வீச்சு எல்லாம் என்னென்ன விளைவுகளை ஏற்படுத்தின அதன் எதிர்வினைகள் என்ன என்ன என விரிவாக பார்ப்போம்
மேலும் படிக்க

சமுதாய ஒற்றுமை குலைவு? திருவிடைச்சேரி? நேரடி கள ஆய்வு!

சமுதாய ஒற்றுமை குலைவுக்கு சன்மார்க்கமா காரணம்?
திருவிடைச்சேரியில் நடந்தது என்ன? நேரடி கள ஆய்வு
சமுதாயம் ஒற்றுமையாக வாழ்வதற்காக அல்லாஹ்வும், அவனது தூதர் முஹம்மது (ஸல்) அவர்களும் நேரான வழியை காட்டி இருக்கின்றனர்.
அத்தகைய நேர்வழியின் பக்கம் மக்களை அழைக்கக் கூடிய அழைப்புப் பணியை (தஃவாவை) செய்வதற்கும், ஒரு அழகிய வழி முறை உண்டு.
‘நான் கடவுள்’ என்ற கொடுங்கோலன் ஃபிர்அவ்னிடம் அழைப்புப் பணி செய்ய மூஸா (அலை) அவர்களை அனுப்பிய இறைவன் அவனிடம் நளினமாகவே எடுத்துச் சொல்ல சொன்னான்.
(பார்க்க: அல்குர்ஆன் 20:44)
கொடுங்கோன்மையானவனிடமே நானே கடவுள் என்றவனிடமே நளினமாக எடுத்துச் சொல்ல வேண்டுமானால் சக முஸ்லிம் ஜமாஅத் மக்களிடம், இஸ்லாத்தை சரிவர முழுமையாக விளங்காமல் அரைகுறையாக விளங்கியவர்களிடம் எடுத்துச் சொல்வதற்கு கடும் போக்கை கையாளலாமா?
இஸ்லாம் என்பது சாந்தி, சமாதானம், அமைதி, கட்டுப்பாடு இவைகளை வலியுறுத்தும் மார்க்கம். இதற்காகவே இஸ்லாத்திற்கு வெளியிலுள்ளவர்களும் கூட ஆசைப்பட்டு ஈர்க்கப்பட்டு இதில் இணைய வருகின்றனர். இணைந்தும் வருகின்றனர். ஆனால், இதனை சிதைக்கும் விதமாகவும், குலைக்கும் விதமாகவும் சில மூடர்கள் அறிவிலிகள் நடந்து கொள்வதால் இஸ்லாத்திற்கே அவப்பெயர் ஏற்பட்டு விடுகின்றன. இஸ்லாமிய மார்க்கத்தின் மீதே வெறுப்பும், இஸ்லாமிய மக்கள் மீது மோசமான எண்ணமும் ஏற்பட்டு நாளடைவில் அது வளர்ந்து குரோதமாகவும், விரோதமாகவும் உருமாறி சமுதாய மக்களை கருவறுக்க வேண்டும் என்ற எண்ணம் தலைவிரித்தாடுகிறது.மேலும் படிக்க

விஞ்ஞான வளர்ச்சியில் முஸ்லிம்களின் பங்களிப்பு!

நவீன விஞ்ஞானம் விண்ணை முட்டும் அளவு வளர்ந்து விட்டது. அறிவியல் துறை கண்களை அகல விரித்து வியப்புடன் பார்க்கும் அளவுக்கு வளர்ச்சி கண்டுள்ளது. இந்த அறிவியல் எழுச்சி, விஞ்ஞான வளர்ச்சிக்கு வித்தாக நின்று உழைத்தவர்கள் முஸ்லிம்கள்தான் என்பது முஸ்லிம்கள் பலருக்கும் தெரியாத செய்தியாகும்.
அறிவியலுடைய, விஞ்ஞானத்துடைய வரலாறு பற்றிப் பேசும் எவரும் இஸ்லாத்துடைய, முஸ்லிம்களுடைய பங்களிப்புப் பற்றிப் பேசாமல் இருக்க முடியாது. மத்திய காலத்தில் அறிவியலின் வளர்ச்சி என்பது முஸ்லிம்களின் வரலாற்றில்தான் தங்கியிருந்தது.
இருள் அகற்றிய அறிவு தீபம்:
நபி(ஸல்) அவர்கள் இஸ்லாத்தைப் போதிக்க ஆரம்பித்த காலம் அரேபிய வரலாற்றில் ‘அய்யாமுல் ஜாஹிலிய்யா (அறியாமைக் காலம்) என வர்ணிக்கப்படுகின்றது. உலக வரலாற்றில் 500 – 1500 உட்பட்ட காலம் ‘மத்திய காலம்’ என்றும், ‘இருண்ட யுகம்’ என்றும் வர்ணிக்கப்படுகின்றது. இக்காலப் பகுதி இருள் சூழ்ந்த காலப் பகுதியாகக் காணப்பட்டது. இஸ்லாத்தின் எழுச்சியும், முஸ்லிம்களின் அறிவுத் தேடலும்தான் இருள் படிந்திருந்த உலகுக்கு அறிவு தீபம் ஏற்றி ஒளி கொடுத்தது. அறிவியலின் உச்சாணிக் கொம்பில் இருப்பதாகக் கொக்கரிக்கும் ஐரோப்பிய – அமெரிக்க நாடுகள் அன்று நாகரீகமோ, பண்பாடோ, நல்ல பழக்க – வழக்கங்களோ தெரியாமல் அறியாமையிலும், மௌட்டீகத்திலும் மூழ்கிக் கிடந்தன.
மேலும் படிக்க

வரலாற்றை கொன்றது புராணம்

செப். 30 அன்று மாலை 3.30 மணிக்கு 60 ஆண்டுகாலமாய் எதிர்பார்த்த தீர்ப்பு வரவிருக்கிறது என்ற பரபரப்பு நாட்டையே கட்டிப் போட்டது. வெளிநாடுகளில் வாழும் இந்தியர்கள் மட்டுமல்ல… அண்டை நாடுகளைச் சேர்ந்தவர்களும் உலக நாடுகளின் அரசுகளும் எதிர்பார்த்திருந்தார்கள். இந்திய சாலைகள் அலஹாபாத்தை நோக்கி இருந்தது என்றால் அது மிகையில்லை…காரணம், உலகிலேயே ஜனநாயகத்திலும், சிறுபான்மை உரிமைகளை மதிப்பதிலும் அமெரிக்கா, இங்கிலாந்து நாடுகளை விட இந்தியா சிறந்தது என்ற நம்பிக்கைதான்.
ஆனால், அது நம்பிக்கை அல்ல. மாயை என்று அடுத்த ஒரு மணி நேரத்தில் தெரிந்தது.
இந்துத்துவ தரப்பை சேர்ந்த வழக்கறிஞர்கள் இரட்டை விரல்களை உயர்த்திக் கொண்டே, அலஹாபாத் நீதிமன்றத்தின் வாசல்களைதாண்டி, பலத்த பாதுகாப்போடு வெளியே வந்தனர்.
அப்போது பலரின் உள்ளங்கள் பதறின. பத்திரிகையாளர்கள் சந்திப்பில் ராமர் அங்குதான் பிறந்தார் என்றும், அந்த இடம் மூன்றாகப் பிரிக்கப்படும்என்றும் தீர்ப்பு குறித்து அவர்கள் கூறியபோது, பாபர் மஸ்ஜித் இரண்டாம் முறையாக ஷஹீதாக்கப்பட்டது போல் இருந்தது. காந்தியடிகள் மூன்றாவது முறையாக சுட்டுக் கொல்லப்பட்டது போல் அதிர்ந்தது இந்தியா!
மேலும் படிக்க

பாபரி பள்ளிவாசல் தீர்ப்பு வரலாற்றை சிதைத்துள்ளது

பாபரி மஸ்ஜித் வழக்கில் அலஹாபாத் உயர்நீதிமன்றத்தின் லக்னோ பிரிவு வழங்கியுள்ள தீர்ப்பை ஒரு அரசியல் தீர்ப்பு என்றே கருதவேண்டும். இத்தகைய தீர்ப்பை வழங்குவதற்கு நீதிமன்றம் தேவையில்லை. அரசே இப்படிப்பட்ட ஒரு முடிவை நீண்ட நாட்களுக்கு முன்பே எடுத்திருக்க இயலும்.
இடிக்கப்பட்ட பள்ளிவாசல் இருந்த இடத்தை கையகப்படுத்தி அங்கு ஒரு புதிய கோயிலை கட்டுவது தான் இந்த தீர்ப்பின் முக்கிய அம்சமாக அமைந்துள்ளது. பாபரி மஸ்ஜித் பிரச்சனையில் அரசி யல் மட்டுமின்றி வரலாறு ஒரு முக்கிய அம்சமாக அமைந்தது. ஆனால் இந்த தீர்ப்பில் வரலாற்று உண்மைகள் முற்றிலும் புறக்கணிக்கப்பட்டுள்ளது.
ஒரு குறிப்பிட்ட இடத்தில் தான் ஸ்ரீராமர் பிறந்தார் என்றும் அவரது பிறப்பை நினைவு கூறும் வகையில் அங்கு கோயில் கட்டப்பட வேண்டும் என்றும் இந்த தீர்ப்பில் கூறப்பட்டுள்ளது. மத நம்பிக்கையின் அடிப்படையில் தீர்ப்பு வழங்கப்பட வேண்டும் என்ற ராம பக்தர்களின் கோரிக்கையை நீதிமன்றம் ஏற்றுக் கொண்டுள்ளது. இந்த மதநம்பிக்கைக்கு எவ்வித ஆதாரங்களும் இல்லாத நிலையில் ஒரு நீதிமன்றத்தில் இத்தகைய தீர்ப்பை யாரும் எதிர்பார்க்கவில்லை.
மேலும் படிக்க

தீர்ப்புகள் திருத்தப்படட்டும்

தீர்ப்புகள் திருத்தப்படட்டும் :-
செப்டம்பர் 30: இந்திய நீதிமன்ற வரலாற்றின் கருப்பு தினம்
பாபரி மஸ்ஜித் வழக்கில் அலஹாபாத் உயர்நீதிமன்றத்தின் லக்னோ பிரிவு வழங்கியுள்ள தீர்ப்பு இந்திய நீதிமன்ற வரலாற்றின் ஒரு கரும் புள்ளியாக அமைந்துள்ளது. ஒரு சொத்து யாருக்குச் சொந்தம் என்ற வழக்கில் ஆவணங்கள், வருவாய் பதிவேடுகள் மற்றும் சட்டப்பூர்வமான ஆதாரங்களுக்கு பதிலாக வெறுமனே ஹிந்துக்களின்; ஒரு பிரிவினரின் நம்பிக்கையின் அடிப்படையில் உயர்நீதிமன்றம் இந்த தீர்ப்பை வழங்கியுள்ளது.
அலஹாபாத் உயர்நீதிமன்றம் வழங்கியுள்ள இந்த தீர்ப்பு இந்திய நீதி பரிபாலனத்திற்கு அரசியல் அமைப்புச் சட்டத்திற்கு பெரும் கேடு விளைவிக்கும் வகையில் அமைந்துள்ளது. டிசம்பர் 6, 1992 எப்படி ஒரு கருப்பு தினமோ அதே போல் விடுதலைப் பெற்ற இந்தியாவின் நீதித்துறை வரலாற்றில் செப்டம்பர் 30ம் ஒரு கருப்பு தினமாகும்.
450 ஆண்டு காலம் முஸ்லிம்களின் வழிப்பாட்டு தலமாக இருந்த பாபரி பள்ளிவாசலை இடித்து விட்டு அங்கே கோயில் கட்ட சங்பரிவார் அமைப்பினர் தங்கள் மதநம்பிக்கையை தான் முன்வைத்தார்கள். உச்சநீதிமன்றம் பாபர் பள்ளிவாசல் கட்டடத்திற்கு எவ்வித சேதாரமும் ஏற்பட்டு விடக் கூடாது என்று போட்டிருந்த தடை உத்தரவை காலில் போட்டு மிதித்து பள்ளிவாசலை தரைமட்டமாக்கினார்கள். இத்தனை பாதகச் செயல்களையும் அவர்கள் செய்ததற்கு தங்கள் மதநம்பிக்கைத் தான் காரணம் என்று கூறினார்கள். அவர்களது இக்கொடுஞ் செயலை நியாயப்படுத்தும் வகையில் தான் அலஹாபாத் உயர்நீதிமன்றத்தின் தீர்ப்பு அமைந்துள்ளது.மேலும் படிக்க

கண்ணாடிக் கயிறு

நம் நிலை நன்றாயில்லை
காரணம் – நாம்
ஒன்றாயில்லை…
பிறை மதி காண்பதிலும்
குறைமதி நமக்கு..
பிரிவதும், சரிவதும்
தொடர்கதை எமக்கு..
ஒரே இறை…
எத்தனைக் கூட்டங்கள்…
மேலும் படிக்க

பாலியல் கொடுமைகள்

தேவாலயங்களிலும், கன்னியாஸ்திரி மடங்களிலும் நடக்கின்ற பாலியல் கொடுமைகளையும், கன்னியாஸ்திரிகளுக்கு கன்னி வைத்து, வேட்டையாடும் ‘கன்னிஸ்கான’ பாதிரியார்களையும் அம்பலப்படுத்தி, ‘அருட் சகோதரி ஜெஸ்மி’ எழுதிய புத்தகம் பெரும் அதிர்வுகளை ஏற்படுத்தியது.
ஏறத்தாழ ஒப்புதல் வாக்குமூலம் போலவும், வெள்ளை அங்கி உலகத்தில் கறுப்புப் பக்கங்களைக் காட்டும் வகையிலும் கே.ஆர். ஷிபு என்ற பாதிரியார், ‘‘இங்கே ஒரு போதகரின் இதயம்’’ என்ற தலைப்பில் எழுதியுள்ள புத்தகம் சம்சார வாழ்வை வெறுத்தோர் குறித்து மின்சார அலைகளை ஏற்படுத்தி உள்ளது.
செப் 2, 2010 அன்று வெளியீட்டு விழா கண்ட இப்புத்தகம், பாலியல் இன்பமும், ஆபாசப் படங்களும் வெள்ளாடை உடுத்துவோரின் வாழ்வில் ஒரு பகுதி என வில்லங்கமாய் பேசுகிறது. (பொதுவாய்க் குற்றம் சாட்டுவதில் நமக்கு உடன்பாடில்லை. சில நல்லவர்களும் இருக்கலாம்.)
மேலும் படிக்க

இந்திய வரலாற்றில் வேலூர் புரட்சி

17 -ஆண்டுகளாக ஆங்கிலேயரை குலை நடுங்க வைத்த திப்பு தன் 39-வது வயதிலேயே ஷஹீதாகி வீரமரணம் அடைந்தது ஒரு வரலாற்று சோகமாகும். காவிரியே கண்ணீர் சிந்தும் கனத்த நினைவுகளோடு திப்பு சுல்தானின் போராட்டம் முடிவுக்கு வந்தது. ஆனால் சுதந்திர எரிமலையின் தீ சுவாலைகள் மட்டும் அடங்கவில்லை.
ஹைதர் அலி, அவர் மகன் திப்பு சுல்தானை தொடர்ந்து திப்புவின் பிள்ளைகளும் குடும்ப வழியில் தாய்நாட்டிற்காக களம் புகுந்தனர்.
ஹைதர் என்றால் சிங்கம் என்று அர்த்தம். திப்பு என்றால் புலி என்று அர்த்தம். ஆம்! சிங்கமும், புலியும் பிறந்த பரம்பரையில் வந்தவர்கள் சீறுவதும், பாய்ந்து தாக்குவதும் இயல்புதானே!
நாடு கடத்தல்!
திப்பு கொல்லப்பட்ட பிறகு, அவரது பிள்ளைகள் மைசூரிலிருந்து வேலூருக்கு நாடு கடத்தப்பட்டனர். அவர்கள் அங்கேயே இருந்தால் பரம்பரை போர் தொடரும் என்று ஆங்கிலேயர்கள் அஞ்சினர். அதனால் வேலூர் கோட்டையில் அவர்கள் சிறை வைக்கப்பட்டனர். இக்கோட்டை கி.பி 1295-ல் கட்டப்பட்டது. திப்புவின் பிள்ளைகளை சிறை வைப்ப தாக இருந்தாலும் கூட கோட்டையில்தான் அவர்களை சிறையிட முடிந்தது! சிறை அவர்களுக்கு அரண் மனையாய் இருந்தது.
திப்புவின் ஆட்சிக்காலம் போரிலும், போருக்கு பிந்தைய நிவாரண பணிகளிலும், அடுத்த கட்ட போருக்கான ஆயத்தப் பணிகளிலுமே கழிந்தன. இடையிடையே தன் அருமை மனைவியோடு கழித்த பேரின்ப பொழுதுகளும் உண்டு. அதன் சாட்சியாக 12 ஆண் பிள்ளைகள், 8 பெண் பிள்ளைகள் அவரது வாரிசுகளாக வாழ்ந்தனர். இவர்களில் பலர் அரச வாழ்க்கையை துறந்து, அரசியல் கைதிகளாக வேலூரில் சிறையிடப்பட்டார்கள். திப்புவின் அமைச்சரவை சகாக்கள் 24 பேர், அவர்களை சார்ந்த அலுவலர்கள், உதவியாளர்கள், தளபதிகள், உறவினர்கள் என பெரும் கூட்டமே சிறைவைக்கப் பட்டது.
மேலும் படிக்க

நபிமொழி தரும் பாடங்களும்… படிப்பினைகளும்…

அபூஹுரைரா (ரலி) அவர்கள் அறிவிக்கின்றார்கள்:
நாங்கள் நபி(ஸல்) அவர்களுடன் அமர்ந்திருந்த போது, அவர்களிடம் ஒரு மனிதர் வந்து ‘‘அல்லாஹ் வின் தூதரே! நான் அழிந்து விட்டேன்!” என்றார். நபி(ஸல்) அவர்கள், ‘‘உமக்கு என்ன நேர்ந்தது?” என்று கேட்டார்கள். ‘‘நான் நோன்பு வைத்துக்கொண்டு என் மனைவியுடன் கூடி விட்டேன்!” என்று அவர் சொன்னார். நபி(ஸல்) அவர்கள் ‘‘விடுதலை செய்வதற்கு ஓர் அடிமை உம்மிடம் இருக்கிறாரா?” என்று கேட்டார்கள். அவர் ‘இல்லை!’ என்றார். ‘‘தொடர்ந்து இரு மாதங்கள் நோன்பு நோற்க உமக்குச் சக்தி இருக்கிறதா?” என்று நபி(ஸல்) அவர்கள் கேட்டார்கள். அவர் ‘‘இல்லை!” என்றார். ‘‘அறுபது ஏழைகளுக்கு உணவ ளிக்க உமக்குச் சக்தியிருக்கிறதா?” என்று நபி(ஸல்) அவர்கள் கேட்டார்கள். அதற்கும் அவர் ‘‘இல்லை!” என்றார். நபி(ஸல்) அவர்கள் சற்று நேரம் மௌனமாக இருந்தார்கள்.
நாங்கள் இவ்வாறு இருக்கும் போது, நபி(ஸல்) அவர்களிடம் பேரிச்சம் பழம் நிறைந்த ‘அறக்’ எனும் கூடை கொண்டுவரப்பட்டது. அப்போது, நபி(ஸல்) அவர்கள் ‘‘கேள்வி கேட்டவர் எங்கே?” என்றார்கள். ‘‘நான்தான்!” என்று அவர் கூறினார். ‘‘இதைப் பெற்று தர்மம் செய்வீராக!” என்று நபி(ஸல்) அவர்கள் கூறினார்கள். அப்போது, அம்மனிதர் ‘‘அல்லாஹ்வின் தூதரே! என்னை விட ஏழையாக இருப்போருக்கா (நான் தர்மம் செய்ய வேண்டும்)? மதீனாவின் (கருங்கற்கள் நிறைந்த) இரண்டு மலைகளுக்கும் இடைப்பட்ட பகுதியில் என் குடும்பத்தினரை விடப் பரம ஏழைகள் யாருமில்லை!” என்று கூறினார். அப்போது, நபி(ஸல்) அவர்கள் தமது கடைவாய்ப் பற்கள் தெரியுமளவுக்குச் சிரித்தார்கள். பிறகு ‘‘இதை உமது குடும்பத்தாருக்கே உண்ணக் கொடுத்து விடுவீராக!” என்றார்கள். (புகாரி 1936)
இந்த சம்பவமும் நபிமொழியும் பல சட்டங்களையும் பாடங்களையும் படிப்பினைகளையும் தருகின்றன.
மேலும் படிக்க

இரும்பு மனிதர்கள்!

‘ஆது’ கூட்டத்தினரின் அழிவுக்குப் பிறகு தோன்றியவர்கள்தான் ‘ஸமூத்’ கூட்டத்தினர்.
ஸமூது கூட்டத்தினரை ‘இரம்’ வம்சத்தினர் என்றும் ‘ஹிஜ்ர்’ வாசிகள் என்றும் அல்குர்ஆன் அழைக்கிறது. அதன் 15-வது அத்தியாயத்திற்கு ‘அல்ஹிஜ்ர்’ என பெயர் சூட்டப்பட்டு அவர்கள் நினைவு கூறப்படுகிறார்கள்.
மதீனாவிலிருந்து சுமார் 347 கி.மீ. தொலைவில் ‘தபூக்’ நகருக்கு செல்லும் வழியில் அமைந்துள்ளது தான் ‘அல்உலா’ நகரம். அங்குதான் ஹிஜ்ர் பகுதி உள்ளது. இப்போது அதை ‘மதாயின் ஸாலிஹ்’ -(ஸாலிஹ் (அலை) அவர்கள் வசித்த ஊர்) என்று அழைக்கின்றார்கள்.
கடும் பலம் வாய்ந்த சமுதாயமாக படைக்கப் பட்டிந்த ஸமூத் கூட்டத்தினர், சிலைகளை வணங்கிக் கொண்டும், ஆடம்பர வாழ்க்கையில் திழைத்துக் கொண்டும், மலைகளைக் குடைந்து, கோட்டைகள் கட்டி வாழ்ந்தும் வந்தார்கள். தோட்டங்களும் நீரூற்றுக்களும் வேளாண்மைகளும் பேரீத்தத் தோட்டங்களும் அங்கு மிகுந்த காணப்பட்டன.
அவர்களிடம் நபியாக அனுப்பப்பட்ட ஸாலிஹ் (அலை) அவர்களின் ஓரிறைக் கொள்கையையும் தூதுத்துவப் பிரச்சாரத்தையும் ஏற்க மறுத்தனர்.
மேலும் படிக்க

‘அலக்’ எனும் அற்புதம்

1. நிச்சயமாக மனிதனை களி மண்ணின் மூலத்திலிருந்து நாம் படைத்தோம். பின்னர் பாதுகாப்பான ஓரிடத்தில், அவனை விந்தாக நாம் ஆக்கினோம்.
2. பின்னர், இந்த இந்திரியத்தை அலக்காக படைத்தோம்
3. பின்னர், அந்த அலக்கை தசைத் துண்டாகப் படைத்தோம்.
4. பின்னர், அந்தச் தசைத் துண்டை எலும்புகளாகப் படைத்தோம்.
5. பின்னர், அவ்வெலும்புகளுக்கு சதையை அணிவித்தோம்.
6. பின்னர், அவனை வேறொரு படைப் பாக (முழு மனிதாக) உண்டாக்கினோம்…..
(அல்குர்ஆன் 23:12&14)
ஆண் உயிரணுவும், பெண் சினை முட்டையும் சேர்ந்து ‘ஸைகோட்’ எனும் புதிய செல் உருவாகிறது. மனித கருவின் ஆரம்பம் இந்த ஸைகோட்டில் இருந்து தான் தொடங்குகிறது. ‘கலப்பு இந்திரியத் திலிருந்து நாம் மனிதனைப் படைத்தோம்’ என்று அல்குர்ஆன் 76:2ல் குறிப்பிடுவது இதனைத்தான்.
அல்குர்ஆன் இறக்கியருளப்பட்டு சுமார் 1300 ஆண்டுகளுக்குப் பிறகு கருவியலில் ‘கலப்பு இந்திரியம்’ என்ற கட்டம் இருப்பதாக ஹெர்ட்விக் என்பவரால் 1875ம் ஆண்டில்தான் கண்டுபிடிக்கப் பட்டது என்பது குறிப்பிடத்தக்கது.
மேலும் படிக்க

மாநபி (ஸல்) அவர்களின் மனப் பதிவுகள்!

பெருமானார் பயன்படுத்திய கற்பித்தல் முறைகள்
கற்பித்தலின் போது ஆசிரியர்கள் அனைவரும் கவனத்தில் கொள்ள வேண்டிய முக்கியமான விஷயங்கள் இரண்டு.
1. கேட்பவர்களை சோர்வடையச் செய்யாமல் இருத்தல்,
2. சொல்ல வேண்டியதை சுருக்கமாகவும், எளிமையாகவும் சொல்லுதல்.
நபி (ஸல்) அவர்களின் அணுகுமுறையும் இவ்வாறுதான் அமைந்திருந்தது. தனது உரைகளின் போது நபி (ஸல்) அவர்கள் பயன்படுத்தும் வார்த்தைகளை நாம் விரல்விட்டு எண்ணிக் கொள்ளும் அளவுக்கு மிகக் குறைவாகவே இருக்கும் என்று ஆயிஷா (ரலி) அவர்கள் கூறுகிறார்கள்.
& பெரும்பாலும் மிக நீண்ட சொற்பொழிவாக அவர்களின் பேச்சுக்கள் அமையாது.
சுருக்கமாகவும், சுற்றி வளைக்காமலும், தெளிவான வார்த்தைகள் கொண்டதாகவும் இருக்கும்.
இதனால்தான் நபி (ஸல்) அவர்கள் அறிவித்த பெரும்பாலான செய்திகளை நபித் தோழர்களால் ஒருமுறை கேட்ட உடனேயே இலகுவாக மனனம் செய்ய முடிந்தது. ஏன் நம்மால் கூட பல ஹதீஸ்களை அதன் மூல அரபி மொழியில் இலகுவாக மனனம் செய்ய முடிவதற்கும் இதுதான் காரணம்.
மேலும் படிக்க

இஸ்லாம் ஃபோபியா பீதியில் மேற்குலம்

சென்ற இதழின் தொடர்ச்சி…
சாதாரண நாயைக்கண்டால் பேயைக்கண்டால் பயப்படும் வியாதினயப்போல் இஸ்லாம்போபியாவை அவ்வளவு சாதாரணமாக எடை போட முடியாது. உலக நாடுகளை குறிப்பாக அமெரிக்கா உள்ளிட்ட ஆதிக்க சக்திகளை அது படுத்தி எடுத்திருக்கிறது.
ஜெர்மனி
ஜெர்மனியும் இஸ்லாம் ஃபோபியாவெனும் மட சிந்தனையில் இருந்து தப்பவில்லை . மேற்கு ஐரோப்பா பரப்பில் மிக விழிப்புணர்வு நிரம்பிய நாடாக அறியப்பட்ட ஜெர்மனியிலும் வெறுப்புணர்வு வெறியாய் ஆடியதன் விளைவு மர்வா செர்பினி என்ற இளம் தாயின் உயிரை குடித்தது கடந்த ஆண்டு ஜூலை ஒன்றாம் தேதி இந்த இதயத்தை ரத்தம் வழியச்செய்யும் நிகழ்வு நடைபெற்றது.ஹிஜாப் அணியும் உரிமைக்காக தனது உயிரை அந்த இளம் பெண் தியாகம் செய்யவேண்டியதாயிற்று.
நைஜீரியா
ஆப்ரிக்க கண்டத்தில் உள்ள எண்ணெய் வள நாடான நைஜீரியாவிலும் முஸ்லிம்களுக்கு எதிரான வெறுப்புணர்வு ஓங்கி வளர்ந்தன. 2004 ஆம் ஆண்டு மே மாதம் 2ம் தேதி எல்வா எனுமிடத்தில் நூற்றுக்கணக்கான முஸ்லிம்கள் கருவருக்கப்பட்டனர்.இதனை அங்குள்ள கிறிஸ்துவ பயங்கரவாத இயக்கம் செய்து முடித்தது.அது மட்டும் இன்றி பல்லாயிரக் கணக்கான முஸ்லிம்கள் அந்த பிராந்தியத்தில் இருந்து விரட்டப்பட்டனர்.
மேலும் படிக்க

மாநபி (ஸல்) அவர்களின் மனப் பதிவுகள்!

சென்ற இதழின் தொடர்ச்சி… 1
சென்ற இதழின் தொடர்ச்சி… 2
பெருமானார்(ஸல்) அவர்களின் கற்பித்தல் முறைகளில் சிலவற்றை சென்ற இதழ்களில் நாம் கண்டோம். அந்த வகையில் அதன் தொடர்ச்சியாக மேலும் சில முறைகளை இந்த இதழில் காண்போம்.
ஐந்தாவது முறை: போர்டுகள் மற்றும் வரைபடங்கள் மூலமாக விளக்குதல்
பொதுவாக சிறந்த ஆசிரியர்கள் பாடம் நடத்த வகுப்பறைக்கு செல்லும் போது, வரைபடங்கள் எடுத்துச் சென்று பாடங்களை விளக்குவார்கள். அப்படிப்பட்ட ஆசிரியர்களைத்தான் மாணவர்களும் சரி, பள்ளி நிர்வாகமும் சரி விரும்புகிறார்கள், நேரடியாக சொல்லும் போது புரியவே புரியாத சில சிக்கலான விஷயங்கள் வரைபடங்கள் மூலமாக விளக்கப்படும் போது எளிதில் புரிந்து விடும். வரைபடங்களை மட்டும் மனதில் வைத்துக் கொண்டாலே அனைத்தையும் சுலபமாக நினைவில் வைத்துக் கொள்ள முடியும். நவீன கால யுக்தியாக நாம் நினைத்துக் கொண்டிருக்கும் இந்தமுறை, பதிநான்கு நூற்றாண்டுக்கு முன்பே பெருமானார் (ஸல்) அவர்களால் பயன்படுத்தப்பட்டிருப்பது ஆச்சியத்திற்குரிய ஒன்று.
ஒரு முறை நபி (ஸல்) அவர்கள் நபித்தோழர்களை அழைத்து மனிதவாழ்வு, அவனது ‘அஜல்’ அதாவது தவணைக்காலம் சம்பந்தமான சில செய்திகளை பூமியில் வரைபடம் போட்டு விளக்கினார்கள், அந்த வரைபடம் இதுதான்,
மேலும் படிக்க

மாநபி (ஸல்) அவர்களின் மனப் பதிவுகள்!

சென்ற இதழின் தொடர்ச்சி… 1
பெருமானார் (ஸல்) அவர்களின் கற்பித்தல் முறைகளில் இரண்டினை சென்ற இதழில் நாம் கண்டோம். அந்த வகையில் அதன் தொடர்ச்சியாக மேலும் இருமுறைகளை இந்த இதழில் நாம் காண்போம்.
கேள்விகள் மற்றும் விவாதங்கள் மூலமாக புரியவைத்தல்
ஒரு நல்ல ஆசிரியர் தான் நடத்தும் பாடத்தை முழுமையாக தனது மாணவர்களின் மனதில் பதிய வைப்பதற்கு பயன்படுத்த வேண்டிய பயனுள்ள முறை இது. ஒருதகவலை சாதாரணமாக தெரிவிப்பதை விட அது சம்பந்தமான கேள்விகள் மற்றும்விவாதங்களை எழுப்பி அந்தத் தகவலை தெரிவித்தால் அது நெஞ்சில் மறக்க முடியாத அளவுக்கு பதிந்து விடும். கேள்விகளையும், விவாதங்களையும் எழுப்பி அந்த தகவல் தொடர்பான முழுமையான சிந்தனையைத் து£ண்டி விடுவதே இம்முறையின் நோக்கமாகும். இந்த முறையினை பெருமானார் (ஸல்) அவர்கள் பயன்படுத்தியிருப்பதையும் நாம் காண முடிகிறது. நாம் அனைவரும் அறிந்த மிகப் பிரபலமான ஒருசெய்தி….
மேலும் படிக்க

மகிழ்ச்சியும் மார்க்கம்தான்!

நபி (ஸல்) அவர்களே நமக்கு அனைத்துத் துறைக்கும் முன்மாதிரி! நபித் தோழர்களுடன் துன்பத்திலும் துயரத்திலும் பங்கெடுத்ததைப் போன்று மகிழ்ச்சியிலும் இன்பத்திலும் இணைந்திருந்தார்கள். சிறுவர்களுடன் விளையாடினார்கள். மனைவியர்களுடன் ஓட்டப்பந்தயம் நடத்தினார்கள். பிறர் சிரிக்கும் அளவுக்கும் சிந்திக்கும் அளவிற்கும் உரையாடினார்கள். உண்மையான செய்திகளைக் கூறி கேலியும் செய்தார்கள்.
மகிழ்ச்சியாக இருப்பதையும் சிரிப்பதையும் விளையாடுவதையும் மார்க்கப் பற்றுக்கு முரணாக கருதும் சகோதரர்களும் நம்மிடையே உள்ளனர். சோகம் வடிந்த முகமும் அனைத்தையும் இழந்த தோற்றமும்தான் இறையச்சத்தின் அடையாளம் எனக் கருதுகிறார்கள்.
இஸ்லாத்தின் வரையறைகளை முழுமையாக அறியாதிருப்பதே இதன் காரணம் எனக் கூறலாம். இஸ்லாம் ஓர் இயற்கை மார்க்கமாகும். இயற்கைகளில் சிறந்தவை அனைத்தையும் அது அனுமதிக்கிறது. அதிலும் குறிப்பாக மனித வாழ்வில் இன்பம் சேர்க்கும் அனைத்தையும் வரவேற்கிறது.
அல்லாஹ்வை மறக்கச் செய்யாத மகிழ்வுகள் என்றும் அல்லாஹ்வை மறக்கச் செய்வதிலும், அவனுக்கு மாறு செய்வதிலும் ஏற்படும் மகிழ்வுகள் என்றும் மார்க்கத்தில் இரண்டு வகையாக மகிழ்ச்சிகள் இருப்பதை அல்குர்ஆன் அடையாளம் காட்டுகிறது.
முதல் வகை மகிழ்ச்சியை மார்க்கம் அனுமதிப்பது மட்டுமின்றி அதை வரவேற்கவும் செய்கிறது. சில நேரங்களில் நல்லறங்களின் சன்மானமாகக் கூட மகிழ்ச்சியை அறிமுகப்படுத்துகிறது.
மேலும் படிக்க

சுன்னாவின் ஒளியில் பெருநாள்

அரபு மொழியில் பெருநாள் என்பதற்கு ‘ஈத்’ என்று சொல்லப்படும். உண்மையில் ஈத் என்றால் திரும்பத் திரும்ப வருதல் என்பது பொருளாகும். பெருநாள் ஒவ்வொரு ஆண்டும் திரும்பத் திரும்ப வருவதால் இப்பெயரைக் கொண்டு அழைக்கப்படுகின்றது.
நபி (ஸல்) அவர்கள் மதீனா வந்தபோது, மதீனாவாசிகள் ஜாஹிலிய்யாக் கால இரு பெருநாட்களைக் கொண்டாடிக் கொண்டிருந்தனர். அப்போது அதற்குப்பதிலாக அவற்றை விடச்சிறந்த இரண்டு பெருநாட்களை அல்லாஹ் உங்க ளுக்குத் தந்துள்ளான். அவை & ஒன்று அறுத்துப் பலியிடும் நாளாகிய (ஈதுல் அழ்ஹா), மற்றையது ஈதுல் பித்ர் என்று நபி (ஸல்) அவர்கள் கூறினார்கள்.
அறிவிப்பவர்: அனஸ் (ரலி), நூல்கள்: அஹ்மத், அபூதாவூத், நஸஈ
இந்த வகையில் ரமலான் முழுக்க நோன்பு நோற்ற பின் ஷவ்வால் மாதம் முதல்பிறை பார்த்ததும் கொண் டாடப்படும் பெருநாள் ‘ஈதுல் பித்ர்’ நோன்புப் பெருநாளாகும்.
மேலும் படிக்க

அமைதியைத் தேடி…

அமைதி, நிம்மதி, மகிழ்ச்சி ஆகியவை ஒவ்வொரு தனி மனிதனின் தேட்டமாக ஒழுக்க மாண்புகளாகத் திகழ்ந்தாலும் உண் மையில் அவை மனித சமூக பொதுச் சொத்துதான். மனதால் எண்ணி மகிழ்வதற் குக் கூட இன்னொருவர் தேவைப்படுகிறார் எனும் போது அவை சமூகச் சொத்தாகவே கணக்கிடப்படுகின்றன.
அவைகளை பேணிக் காப்பது ஒட்டு மொத்த மனித சமூகத்தின் பொறுப்பாகும். தனிமனிதன் தன் அமைதியை கெடுத்துக் கொண்டால் உண்மையில் அவன் தன்னு டைய அமைதியை மட்டும் கெடுக்கவில்லை, பொது அமைதியையும் சேர்த்தே கெடுக்கின் றான். இதனால் அங்கே அரசாங்கத் தலையீடு அவசியமாகிறது. புகை பிடித்தல் என்பது தனிமனித உரிமை என்றாலும் பொது இடங்களில் புகைப்பதற்கு அரசாங்கம் தடைவிதிப்பதற்கு காரணமும் இதுதான்.
மேலும் படிக்க

காவி பயங்கரவாதம்

‘‘இஸ்லாமிய பயங்கரவாதம்’’ என்ற வார்த்தையை இந்துத்துவா சக்திகள் தொடர்ந்து நாடாளுமன்றத்தில் ஒலித்து வந்தன. அதன் எதிரொலிதான் இப்போது வில்லங்கமாக வெளிப்பட்டிருக்கிறது.
அனைத்து மாநிலங்களின் காவல்துறை தலைவர்கள் (டிஜிபி) மாநாடு பிரதமர் மன்மோகன் சிங் தலைமையில் நடைபெற்றது. காவல்துறை தலைவர்கள் இடையே உள்துறை அமைச்சர் ப. சிதம்பரம் பேசுகையில், ‘‘காவி பயங்கரவாதம் குறித்து விழிப்புணர்வுடன் செயல்பட வேண்டும்’’ என்று கூறினார்.
ஒரு உள்துறை அமைச்சர் என்ற வகையில், அவ ருக்கு கிடைத்த புலனாய்வு தகவல்களின் அடிப்ப டையில் காவி பயங்கரவாதம் பற்றி பேச அதிகம் உரிமையுடைவர் ப. சிதம்பரம். ஐக்கிய முற்போக்கு கூட்டணி அரசின் நடவடிக்கைகள் பலவற்றில் நமக்கு முரண் உள்ளபோதிலும், மதவெறி சக்திகளை கண்டறிவதில் அரசு தெளிவாக இருப்பது சமீபத்திய சம்பவங்களால் உணர முடிகிறது.
மேலும் படிக்க

வரலாறும், முக்கியத்துவமும்

முஸ்லிம் சமுதாயத்தில் இன்று பரவலாகப் பேசப்படுகின்ற ஒன்றாக ‘பைத்துல் மால்’ காணப்படு கின்றது. இஸ்லாமிய வரலாற்றில் முஸ்லிம் சமுதாயத்தின் நலனுக்காக உருவாக்கப்பட்ட ஒரு நிதி நிறுவனமே ‘‘பைதுல் மால்’’ ஆகும்.
‘பைத்துல் மால்’ என்ற சொல் பிரயோகம் முதன்முதலில் முதலாம் கலீபா அபூபக்கர் (ரலி) அவர்களது காலத்திலேயே பயன்படுத்தப்பட்டிருப்பதை அறிய முடிகின்றது. ஆரம்பத்தில் மதீனாவில் உள்ள ‘ஸனஹ்’ என்ற இடத்தில் பைத்துல் மாலை நிறுவி பின்னர் அதை மதீனாவுக்குள் கொண்டு வந்தார்கள். அதன் பொறுப்பாளராக அபூ உபைதா இப்னுல் ஜர்ராஹ் (ரலி) அவர்களை நியமித் தார்கள்.
அபூபக்கர் (ரலி) அவர்கள் பைத்துல் மாலை உருவாக்குவதற்கான முன்மாதிரியை நபி (ஸல்) அவர்களது வாழ்விலிருந்தே பெற்றுக் கொண்டார்கள்.
மேலும் படிக்க

கண்ணீர் தேசம்… காஷ்மீரின் வரலாறு

வெண்பனியால் சிரிக்கும் மலை முகடுக ளும், பசுமை போர்த்திய பள்ளத்தாக்குகளும், சிலிர்க்க வைக்கும் குளிரும், மனதைப் பறிக்கும் ஆப்பிள் தோட்டங்களும், கவலைப்படாமல் ஓடிக் கொண்டிருக்கும் இமய மலையின் நதிகளும் அழகிய காஷ்மீரின் அடையாளங்கள்.
இறைவனால் அன்பளிப்பு செய்யப்பட்ட மண் ணில், எங்களால் நிம்மதியாக வாழ முடியவில்லையே என்ற ஏக்கம் ஒவ்வொரு காஷ்மீரியின் உள்ளத்திலும் இருக்கிறது. அழகான காஷ்மீரில் அமைதியில்லை. மகிழ்ச்சியில்லை. இப்படி நிறைய ‘இல்லை’கள்!
எங்களுக்குத் தேவை ஒன்றுபட்ட ஒரே காஷ்மீர்! எங்களை நாங்களே ஆளும் உரிமை! இதுதான் பெரும்பாலான காஷ்மீரிகளின் மனநிலை என்பது கருத்துக் கணிப்புகள் கூறும் உண்மைகளாகும்.
காஷ்மீரின் உண்மையான வரலாறு என்ன? அது தமிழ்நாடு உ.பி., மஹாராஷ்டிரா, வங்காளம் போன்று இந்தியாவின் ஒன்றுபட்ட பகுதியா? அல்லது இந்தியா வுடன் இணைக்கப்பட்ட பகுதியா? இப்படி எண்ணற்ற கேள்விகளுக்கான விடைகள் பகிரங்கமாக உண்மை யின் வெளிச்சத்தில் நடுநிலையோடு விவாதிக்கப்பட வேண்டும் என்பதுதான் மனித உரிமை ஆர்வலர் களின் விருப்பமாகும்.
மேலும் படிக்க

கல்லெறியும் இளைஞர்களும்… இராணுவ அணிவகுப்பு நடத்தும் இந்திய அரசும்

சரியாக இரண்டாண்டுகளுக்கு முன்னர் நாங்கள் காஷ்மீர் சென்றபோது ஓரளவு அங்கே அமைதி உருவாகியிருந்தது. நீண்ட நாட்களுக்குப் பிறகு ஷரீயத் அமைப்பு உள்ளிட்ட காஷ்மீர் இயக்கங்களிடையே ஒற்றுமை ஏற்பட்டிருந்தது. ஆஸாதி என்கிற கோரிக் கையை அவர்கள் விட்டுவிடவில்லையாயினும் ஆயுதப் போராட்டம் அங்கு ஓய்ந்திருந்தது. அமைதி வழிப் போராட்டம் முதலான சொல்லாடல்கள் யாசின் மாலிக் போன்றோரின் உதடுகளிலிருந்தும் உதிர்ந்தன. எனினும் இந்நிலையைத் தக்க வைக்கும் பொறுப்பு இந்திய அரசிடம் உள்ளது. இந்திய அரசோ அந்தப் பொறுப்பை உணர்ந்ததாகத் தெரியவில்லை. பிரிவினை கோருபவர்களுடன் தொடர்ந்த பேச்சு வார்த்தைகைள மேற்கொள்ளுதல் நிறுத்தி வைக்கப் பட்டுள்ள ஏழு லட்சம் இந்தியப் படையினரைக் கொஞ்சம் கொஞ்சமாக விலக்கிக் கொள்ளுதல், ஆயுதப் படையினர் சிறப்பு அதிகாரச் சட்டத்தைத் திரும்பப் பெறுதல், மனித உரிமை மீறல்களை நிறுத்திக் கொள்வதோடு பாதிக்கப்பட்டவர்களுக்கு நீதி வழங்குதல், முறையான தேர்தல் மூலமான நல்லாட்சி வழங்குதல் முதலியவற்றின் ஊடாகவே அங்கு அமைதி தொடர முடியும் என்கிற எச்சரிக்கையோடு தான் காஷ்மீர்ப் பயணம்குறித்த எனது நு£லும் முடிந்தது.
ஆனால் இந்த இரண்டாண்டுகளில் என்ன நடந்தது- மேலே குறிப்பிட்ட எந்த அம்சத்திலும் இந்திய அரசு நீதியாய் நடந்து கொள்ளவில்லை. காஷ்மீர் இயக்கங்களின் கூட்டமைப்பின் அழைப்பை மீறி அங்கே மக்கள் வேறெப்போதைக் காட்டிலும் அதிகமாக வாக்களித்ததை இந்திய அரசு தவறாகப் புரிந்து கொண்டது. அன்றாடப் பிரச்சினைகளை எதிர் கொள்ள ஒரு நிர்வாகம் தேவை என்கிற அளவில் மட்டுமே மக்கள் தேர்தலில் பங்கேற்றனர். அதுவும் கூட ஸ்ரீநகர் முதலான பகுதிகளில் மிகக் குறைந்த வீதத்திலேயே வாக்குப் பதிவு நடந்தது என்பதை எல்லாம் இந்திய அரசு மறந்தது.
மேலும் படிக்க

போர்க்கள புயல்… திப்பு சுல்தான்

சென்ற இதழின் தொடர்ச்சி…

சமூக நல்லிணக்கத் தலைவன்
தமிழக விடுதலை வீரர்களான தீரன் சின்னமலை, சின்ன மருது ஆகியோர் திப்புவிடம் ராணுவ உதவியை பெற்றவர் கள். ஆற்காடு நவாப், ஹைதராபாத் நிஜாம் போன்றவர்கள் முஸ்லிம்களாக இருந்தாலும், அவர்கள் ஆங்கிலேயர்களின் அரவணைப்பில் இருந்த தால் அவர்களை எதிரிகளாகவும், துரோகிகளாகவுமே கருதினார் திப்பு.
திப்பு சுல்தானின் ஆட்சிப் பகுதி கேரளாவின் மல பார், ஆந்திராவின் ஒரு பகுதி, தமிழகத்தில் கோவை, நீலகிரி, சேலம், ஈரோடு, தர்மபுரி, கிருஷ்ணகிரி, வேலு£ர் உள்ளிட்ட பகுதிகளைக் கொண்டது. இதில் 10 சதவீதம் மட்டுமே முஸ்லிம்கள் வாழ்ந்தார்கள்.
பிற இந்து, கிறிஸ்தவ சமுதாயங்களின் நன்மதிப் பைப் பெற்ற திப்பு சுல்தானை மிகச் சிறந்த சமூக நல்லிணக்கவாதி என வரலாற்று அறிஞர்கள் புகழ்கிறார்கள்.
மேலும் படிக்க

இறை நம்பிக்கைக்கும் ஒரு சுவையுண்டு!

இவ்வுலகிலுள்ள ஒவ்வொரு பொருளுக்கும் மனமும் சுவையும் உண்டு. அதற்குரிய சுவை மாறி, வேறொரு சுவை வந்துவிட்டால் அப்பொருளின் தன்மை மாறிவிட்டது, அது கெட்டுப் போய்விட்டது என்று அர்த்தமாகிவிடும். அவ்வாறே இறை நம்பிக்கைக்கும் (ஈமானுக்கும்) ஒரு சுவையுண்டு. ஒரு மனமுண்டு. அவை கெட்டுப் போய்விட்டால் அது கெட்டுப் போய்விடும்.
சுவை, ருசி மாறுபடுவதை வைத்து பொருள் கெட்டுப் போய்விட்டதை உணர்கிறோம். கெட்டுப் போன, புளித்துப்போன பொருளை நாக்கில் வைத்தவுடன், முகம் சுளித்து, உடலில் நடுக்கம் உண்டாகிறது. அவ்வாறே ஒருவரது இறை நம்பிக்கை (ஈமான்) கெட்டுப் போய்விட்டால் அவரது சொல், செயல்களில் மாற்றம் உண்டாகிவிடும். முதலில் அவரது உள்ளத்தில், மாற்றம் ஏற்பட்டுவிடும். அவரது நோக்கமும் மாறிவிடும்.
எவர் எல்லா அம்சங்களிலும், இறைபொருத்தத்தை நோக்கமாக கொண்டாரோ அவரது இறைநம்பிக்கை கெட்டுப் போகவில்லை. அவர் அதன் சுவையை அனுபவித்துக் கொண்டிருக்கிறார் என்று அர்த்தமாகிவிடும். இதைத்தான் பெருமானார் (ஸல்) அவர்கள் கூறினார்கள்.
அல்லாஹ்வை இரட்சகனாகவும் இஸ்லாமை மார்க்கமாகவும் முஹம்மதை தூதராகவும் ஏற்றுக் கொண்டவர் இறைநம்பிக்கையின் சுவையை ருசித்தவராவார். (முஸ்லிம்)
மேலும் படிக்க

பர்தாவே பாதுகாப்பு

சமயக்கடமை என்னுமளவில் இதை விவாதப் பிரச்சனையாக ஆக்குவதை விட பெண்களுக்குத் தேவையான அடக்கம், பண்பு என்னும் வகையில் ஹிஜாப் அணிவதற்கே நான் முக்கியத்துவம் அளிக்கிறேன்
தன்னுடைய குடியிருப்பிற்கு அருகில் உள்ள வல்மார்ட் ஷோரூமிற்கு கடந்த கிறிஸ்துமஸ் தினத்தன்று ரேஹான் சிஹாம் பொருட்களை வாங்குவதற்காக சென்றார். முஸ்லிம்களின் மரபாடையான “ஹிஜாப்’பை அவர் அணிந்திருந்தார். அங்கிருந்த ஒரு கிறிஸ்துவர் அவரை நேரிடையாகப் பார்த்து, “The 12 Days of Christmas” என்னும் பாடலை பாடத் தொடங்கினார். உஸாமா பின் லாடனையும் பயங்கரவாதத் தையும் கிண்டலடிக்கும் வண்ணம் பாடினார்.
சிஹாமுக்கு என்னவோ போலிருந்தது. “என்னைப் பார்த்தால் பயங்கரவாதியாக உனக்கு தெரிகின்றதா?’ எனக் கேட்டார்.
“பயங்கரவாதிகள் வேறு எப்படி இருப்பார்களாம்?’ என்றான் அவன்.
மேலும் படிக்க

ஹிஜாப்

மேலும் (நபியே) மூமினான பெண்களுக்கு நீர் கூறுவீராக! அவர்கள் தங்கள் பார்வைகளைத் தாழ்த்திக் கொள்ள வேண்டும். தங்கள் வெட்கத் தலங்களை பேணிக் காத்துக் கொள்ள வேண்டும். தங்களின் அலங்காரத்தை அதனின்று (சாதாரணமாக வெளியில்) தெரியக் கூடிய (முன்கை&முகத்)தைத் தவிர வேறு எதையும் வெளிக்காட்டலாகாது. இன்னும் முந்தானைகளால் அவர்கள் தங்கள் மார்புகளை மறைத்துக் கொள்ள வேண்டும்.
(அல்குர்ஆன் 24:31)
இஸ்லாம் பற்றி விளங்காதோர், இஸ்லாமிற்கு எதிராக சிந்திப்போர் வைக்கும் பல விமர்சனங்களில் ஒன்றுதான் ஹிஜாபும்.
‘ஹிஜாப்’ என்றால் மறைத்தல், தடுத்தல் என்று பொருள்படும். ஆணோ, பெண்ணோ தங்களிடம் ஒழுக்கமின்மை செயல் வந்துவிடாமல் அல்லது வெளிப்படுத்தாமல் நடந்துகொள்ளும் முறைக்கு ‘ஹிஜாப்’ எனப்படும்.
பெண்கள் தங்களின் முழு உடலை மறைக்க வேண் டும் என்று இஸ்லாம் கூறுகிறது. இப்படிக் கூறுவதைத் தான் இஸ்லாமிய எதிரிகள் விமர்சனம் செய்கின்றனர்.
மேலும் படிக்க

மேற்குலகை அச்சுறுத்தும் ஆயுதம்! ஹிஜாப்

கண்ணிமைக்கும் நேரத்தில் பட்டாக் கத்தியை உருவிய அலெக்ஸ் என்ற அந்தப் பாதகன் ஷெர்பினியை கத்தியால் குத்தத் தொடங்கினான். ஒன்றல்ல, இரண்டல்ல… 18 முறை குத்தினான். ஹிஜாப் அணியும் உரிமைக்காகப் போராடிய அந்த வீரத்தாய் திறந்த நீதிமன்றதிலேயே நீதிபதி, சட்ட வல்லுனர்கள், அரசு அதிகாரிகள், தனது அருமை குழந்தை, கணவர் ஆகியோர் முன்னிலையில் துடிக்கத் துடிக்க ரத்தம் பீறிட்டுப்பாய கண் மூடினார்.
சீறி வரும் ஏவுகணைகளையும், பாய்ந்து தாக்கும் ராக்கெட்டுகளையும், மழையென குண்டுகளைப் பொழியும் போர் விமானங்களையும், பேட்டன் டாங்குகள் என அழைக்கப்படும் கவச வாகனங் களையும், கண்ணுக்குத் தென்படாத லேசர் ஆயுதங்க ளையும் கண்டு கூட இன்று ஏகாதிபத்திய சக்திகளுக்கு அச்சமில்லை. அதனை எதிர்கொள்ளும் வியூகம் பல வகுத்தாகி விட்டது.
எறிகணைகளை எதிரி நாடுகள் ஏவி விட்டால் அதனை வானிலேயயே வழி மறித்து அழிக்கும் வல் லமையும், சூட்சுமமும் தெரிந்த ஆதிக்க சக்திகளுக்கு நடுக்கத்தை வாரி வாரி வழங்கிக் கொண்டிருக்கும் படுபயங்கர ஆயுதம் என்ன தெரியுமா-?
எம் தாய்மார்கள் அணியும் ஹிஜாப் என்னும் கவச உடைதான்.
மேலும் படிக்க

இஜ்திஹாத் – ஓர் ஆய்வு

வாழ்வின் அனைத்துத் துறைகளுக்கும் அனைத்துக் காலங்களிலும் மனித இனம் முழுமைக் கும் நன்நெறி வகுத்தளித்த அற்புத மார்க்கம் இஸ் லாம். அதில் சட்டத் திருத்தங்கள் இல்லை. அதற்கான தேவையுமில்லை. அதற்கான அனுமதி உலகில் எந்த மனிதருக்கும் எக்காலத்திலும் வழங்கப்படவுமில்லை. 1400 வருடங்களுக்கு முன்னர் அல்லாஹ்வின் தூதர் முஹம்மது (ஸல்) அவர்களின் வாயிலாக அல்லாஹ் வகுத்தளித்த நெறிதான் இன்றுவரை இஸ்லாமாக நடைமுறைப்படுத்தப்பட்டு வருகிறது. யுக முடிவு நாள்வரை அந்நெறியே இஸ்லாத்தின் நன்னெறி யாகத் திகழும்.
மேலும் படிக்க

கர்ப்பிணிகள் நோன்பு வைக்கலாமா-?

ரமளான் மாதங்களில் பொதுவாக பெண்களுக்கு என்ன சந்தேகம் ஏற்படுகிறதென்றால், கர்ப்பிணிப் பெண்கள் நோன்பு நோற்கலாமா?- நோன்பு வைக்கும் பொழுது எந்த விதமான பாதுகாப்புகளை செய்து கொள்ள வேண்டும்? என்று நிறைய பேர் கேட்கிறார்கள்.
பொதுவாக பெண்களின் கர்ப்ப காலங்களை மூன்று விதமாகப் பிரிக்கலாம்-. முதல் மூன்று மாதங்கள், நடு மூன்று மாதங்கள், கடைசி மூன்று மாதங்கள்.
இதில் முதல் மூன்று மாதங்கள் கஷ்டமான நாட்களாகும். வாந்தி, மயக்கம், குமட்டல் போன்றவை அதிகமாக இருக்கும். இந்நிலையில் இருக்கக்கூடிய பெண்கள் நோன்பு வைக்க வேண்டும் என்று எண்ணினால் அவர்கள் சில தற்காப்புகளை கடைபிடிக்க வேண்டும்.
மேலும் படிக்க

வேர்கள் காய்ந்தாலும் இலைகள் உதிர வேண்டாம்

பிறை முடிவு ஆட்சியாளரைச் சார்ந்தது
நோன்பு மற்றும் பெருநாட்கள் ஒட்டுமொத்த முஸ்லிம்கள் தொடர்புடைய காரியமாக இருப்பதினால் அவைகளை தீர்மானிப்பது இஸ்லாமிய ஆட்சியாளரின் பொறுப்பாகும். இதனை தனிமனிதர்கள் தங்கள் கைகளில் எடுப்பது கூடாது. அவ்வாறு எடுத்தால் அது சமூகப் பிளவிற்கும் பிரச்சனைக்கும் காரணமாகிவிடும்.
தமிழக முஸ்லிம் இது விஷயத்தில் முஸ்லிம் சமுதாய ஒற்றுமையைக் கருத்தில் கொண்டு தலைமை காஜியை சார்ந்திருக்க வேண்டும். பிறையை தீர்மானிப்பதில் அவர் தவறிழைத்தால் அதற்கான தண்டனையை அவர் அனுபவிப்பார். நபி (ஸல்) அவர்கள் கூறினார்கள்:
நீதிபதிகள் மூன்று பிரிவினர்களாவர். அதில் இருவர் நரகம் செல்வார்கள். ஒருவர் சொர்க்கம் செல்வார். முறை யான கல்வியின்றியோ அல்லது கல்வியிருந்தும் வேண்டு மென்றே அதற்கு மாற்றமாகவோ தீர்ப்பளித்த இருவரும் நரகம் செல்வார்கள். கல்வியுடன் முறையாக தீர்ப்பளித்தவர்தான் சொர்க்கம் செல்வார்.
தலைமை நிர்வாகியாக ஒரு அபீசீனிய அடிமை இருந்தாலும் அவருக்கும் கட்டுப்பட வேண்டும் என்று மார்க்கம் கூறுகிறது.
இமாம் உளு இல்லாமல் தொழுகை நடத்தினால் அவர் பின்னால் தொழுபவரின் தொழுகைக்கு எந்தப் பாதிப்பும் ஏற்படாது. அது இமாமின் குற்றமாகத்தான் அமையும்.
எனவே அவர் தவறான முடிவெடுத்தாலும் அது சமுதாயப் பொதுமக்களை ஒருபோதும் பாதிக்காது.
மேலும் படிக்க

பிறை ஒரு பிரச்சனையா?

பிறை ஒரு பிரச்சனையா? – பல அறிஞர்களின் கருத்துக்கள்
பிறையை பார்த்தே முடிவெடுக்க வேண்டும் ஏ.இ. அப்துர்ரஹ்மான் ஹஜ்ரத் (தமிழ்நாடு ஜமாத்துல் உலமா சபைத் தலைவர்)
‘‘பிறை பார்த்த தகவல் எங்கிருந்து வந்தாலும் ஏற்க வேண்டும்’’ எஸ். கமாலுத்தீன் மதனீ (மாநிலத் தலைவர், ஜம்யிய்யத்து அஹ்லில் குர்ஆன் வல்ஹதீஸ்)
‘‘சமூக ஒற்றுமை நிலைநாட்டப்பட வேண்டும்’’ டாக்டர். ஆர்.கே நூர் மதனீ (இயக்குனர், இப்னுல் கைய்யூம் இஸ்லாமிய ஆய்வுக் கூடம், சென்னை)
தலைமை காஜியின் அறிவிப்பை ஏற்பதே சமூக ஒற்றுமைக்கு உகந்தது! முஃப்தி உஸ்மான் ஹஜ்ரத் (வேலூர் பாக்கியாத்துஸ் ஸாலிஹாத் அரபிக் கல்லூரி தலைமை முஃப்தி)
‘‘கருத்து வேறுபாடுகளை மறந்து ஒன்றுபட வேண்டும்!’’ முனைவர். அப்துல்லாஹ் ஜோலம் உமரி மதனீ (முதல்வர், ஜாமிஆ தாருஸ் ஸலாம் அரபிக் கல்லூரி, உமராபாத்)
சந்திரக் கணக்கே சரியானது! அலி மனிக்ஃபான் (விண்ணியல் ஆய்வாளர், பிறையியல் நிபுணர்)
‘‘பிறையால் ஏற்படும் சமூகக் குழப்பம் தவிர்க்கப்பட வேண்டும்!’’ மௌலவி முஹம்மது கான் பாக்கவி (தலைமை எடிட்டர், ரஹ்மத் அறக்கட்டளை, சென்னை)
பெருநாளில் பிளவுகள் வேண்டாம் – இணைந்தே கொண்டாடுவோம்! அப்துல் லத்தீஃப் உமரி (ஜித்தா)
‘‘ஒற்றுமையில்தான் சமூகப் பாதுகாப்பு!’’ ஹஜ்ரத் இக்பால் காஸிமீ (முதல்வர், வேலு£ர் பாக்கியாத்துஸ்ஸாலிஹாத்)
‘‘பிறை பற்றி மறுமை நாளில் நான் விசாரிக்கப்படுவேன் என்ற பொறுப்புணர்வு எனக்குண்டு!’’ டாக்டர். முஃப்தீ காஜி சலாஹுத்தீன் முஹம்மது அய்யூப், (தமிழக அரசு தலைமை காஜி, சென்னை)
பிழையில்லா பிறைக் காலண்டர் வரும் வரை அரசு காஜியின் அறிவிப்பையே ஏற்க வேண்டும்! மௌலவி எஸ். கே. சம்சுதீன் (குவைத்) தொழிலதிபர்
பிறையைப் பார்த்து நோன்பு நோற்று பிறையைப் பார்த்து நோன்பை விடுவதே தமிழ்நாடு ஜமா அத்துல் உலமா சபையின் நிலைபாடு! இதில் எந்த மாற்றுக் கருத்துக்கும் இடமில்லை! ஜமாஅத்துல் உலமா சபைக்கும் அரசு தலைமை காஜிக்கும் நெருங்கிய உறவு உள்ளது. இரு தரப்பும் இணைந்தே பிறை தொடர்பாக முடிவெடுக்கின்றோம்.
மேலும் படிக்க

பெருநாள் மகிழ்ச்சியைத் தேடி…

மார்க்க விஷயத்தில் கருத்து வேறுபாடான சட்டங்களை அணுகும் முறை தவறி, ஒரு வகையினர் மற்ற வகையினரை விமர்சிக்கும் போக்கு சமூகத்தில் ஆரோக்கியமில்லா சூழலுக்கு வழிவகுக்கிறது.
நாட்களையும், மாதங்களையும் தீர்மானிப்பதற்கு சூரியக் கணக்கு-சந்திரக் கணக்கு என்ற இரு முறைகள் பின்பற்றப்பட்டு வருகின்றன. நேரத்தை சூரியனை அடிப்படையாக வைத்துத் தீர்மானித்தாலும் நாளையும், மாதத்தையும் சந்திரனை அடிப்படையாக வைத்துத் தீர்மானிப்பதுதான் பொறுத்தமானதாகும். நோன்பு, ஹஜ், இத்தா போன்ற இஸ்லாமிய இபாதத்கள் சந்திர மாதக் கணக்கின் அடிப்படையில்தான் தீர்மானிக்கப்பட வேண்டும்.
மேலும் படிக்க

வழிகாட்டும் வான்மறை வந்திறங்கிய மாதம்

‘‘ரமளான் மாதம் எத்தகையதென்றால் அதில்தான் மனிதர்களுக்கு முழுமையான வழிகாட்டி யாகவும், தெளிவான சான்றுகளைக் கொண்டதாகவும் (சத்தியத்தையும், அசத்தியத்தையும்) பிறித்தறிவிப்பது மான அல்குர்ஆன் அருளப்பட்டது. எனவே உங்களில் எவர் அம்மாதத்தை அடைகின்றாரோ அவர் அம் மாதம் நோன்பு நோற்க வேண்டும்” (அல்குர்ஆன் 2:185)
ரமளான் மாதத்தில் சுவன வாயில்கள் திறக்கப் பட்டு, நரக வாயில்கள் அடைக்கப்படுகின்றன. ஷைத் தான்களுக்கு விலங்கிடப்படுகின்றன. வணக்கங் களுக்கு ஏனைய காலத்தில் வழங்கப்படும் நன்மை களை விட பன்மடங்கு அதிகமாக வழங்கப்படு கின்றன. பாவமன்னிப்பும் நரக விடுதலையும் அளிக் கப்படுகின்றன. நல்வழி நோக்கிப் பயணிப்பதற்கு பல வாயில்கள் திறந்துவிடப்படுகின்றன. இவ்வாறு எண்ணற்ற சிறப்புக்களை இம்மாதம் பெற்றிருப்பதற் குக் காரணம் இம்மாதத்தில் அல்குர்ஆன் அருளப்பட்ட துதான்.
மேலும் படிக்க

இது நினைவூட்டும் நேரம்!

சுவர்க்க வாயில்கள் திறக்கப்பட்டு. நரக வாயில்கள் அடைக்கப்படும் புனித ரமளான் மாதம் நம்மை வந்தடைந்துவிட்டது. அளவில்லா நற்கூலியை அள்ளித் தரும் நல்லறங்களை கடைபிடிக்கவும், பாவமன்னிப்பைப் பெறவும் மகிழ்ச்சியுடனும் ஆர்வத்துடனும் செயல்பட தயாராகி விட்டீர்களா? அப்படியானால் முதலில் ரமளான் மாத வணக்கங்களை பட்டியலிட்டுக் கொள்ளுங்கள்! பிறகு அதனை எவ்வாறு செயல்படுத்துவது என்று திட்டமிடுங்கள்! கடந்த வருட ரமளானை எவ்வாறு கழித்தீர்கள் என்ற மீள்பார்வையும் மிக அவசியம்!
இன்று ஒரு நோன்பு முடிந்து விட்டது, இரண்டு நோன்புகள் முடிந்து விட்டன என்று பொதுக்கணக்குப் போடாமல், இன்றைய தினத்திற்கான இபாதத்களை முறையாக நிறைவேற்றியுள்ளேனா? என்று தினமும் சுயக் கணக்குப் பார்க்க வேண்டும்.
முஃமினின் ஒவ்வொரு நாளும் நன்மைகளை அதிகரிக்கவும் தீமைகளை விட்டுத் தவ்பாச் செய்யவும் பயன்பட வேண்டும் என்ற நபிமொழியை மறந்துவிடக் கூடாது.
மேலும் படிக்க

உலமாக்கள் ஒன்றிணைந்தால் சமுதாயம் சங்கமிக்கும்!

பெருநாட்கள் ஒட்டு மொத்த முஸ்லிம் சமுதாயம் தொடர்பான காரியமாக இருப்பதால் அது பற்றி இஸ்லாமிய அரசுதான் முடிவெடுக்க வேண்டும். இஸ்லாமிய அரசு இல்லாத நாடுகளில் இத்தகைய பணிக்காக அரசாங்கத் தால் நியமிக்கப்பட்டுள்ள இஸ்லாமியத் துறைகளின் அறிவிப்புகளை ஏற்று அந்நாட்டு மக்கள் செயல்பட வேண்டும்.
அவ்வாறு அரசாங்கத்தால் எந்தத் துறையும் ஏற்படுத்தப்படாவிட்டால் அந்நாட்டு முஸ்லிம்கள் ஒன்றுகூடி இத்தகைய பணிக்காக ஒரு இஸ்லாமியத் துறையை ஏற்படுத்திக் கொள்ளவேண்டும். அதற்கு கட்டுப்பட்டு அனைவரும் ஒற்றுமையாக செயல்பட வேண்டும். இவ்வாறுதான் சவூதி அரேபிய அரசாங்க மார்க்கத் தீர்ப்பு கமிட்டியும் ஃபத்வா (மார்க்கத் தீர்ப்பு) வழங்கியுள்ளது.
மேலும் படிக்க

அந்த ஒரு நாளுக்காக…

உரிமை கேட்போரின்
உயிர்களுக்கு
விடுதலை கொடுத்து
அதிகாரத் துப்பாக்கிகளால்
கொண்டாடுகின்றன
ஆனந்த சுதந்திரத்தை…!
முரடர்களிடமிருந்து
ஒரு நள்ளிரவில்
மீட்டோம்
மேலும் படிக்க

பள்ளிவாசலில் பெண்கள் மத்ஹப் நூல்களிலிருந்து…

இமாம் அபூஹனீஃபா (ரஹ்) அவர்கள் மற்றும் அவர்களின் மாணவர்களான அபூயூசுஃப், முஹம்மது ஆகியோரின் கூற்றுப்படி வாலிபப் பெண்கள் ஜமாஅத் தொழுகைக்கு வருவது பொதுவாக வெறுக்கத்தக்கதாகும். விரும்பத்தகாத ஏதும் நிகழ்ந்து விடுவது பற்றிய அச்சத்தையே அவர்கள் காரணமாகக் கூறுகின்றனர்.
அதே சமயம் முதிய பெண்மணி ஃபஜ்ர், மக்ரிப் மற்றும் இஷா ஆகிய தொழுகைகளில் கலந்து கொள்வதை இமாம் அபூஹனீஃபா (ரஹ்) அவர்கள் குறைகாணவில்லை.
மாலிக்கி மத்ஹப் அறிஞர்கள் கூற்றுப்படி, ஆண்களின் இச்சைக்கு ஆளாகும் பருவத்தை தாண்டிய பெண்கள் தொழுகைக்காக பள்ளிவாசலுக்கு வருவது ஆகுமானதே! அதே போல் எந்தவித பாதிப்பும் ஏற்படுத்தாத வாலிபப் பெண் வருவதும் ஆகுமானதே! விரும்பத்தகாத பாதிப்பு ஏற்படும் என்று அஞ்சப்படும் பெண்மணி பொதுவாக (எந்த வயதாக இருந்தாலும்) வரக் கூடாது.
மேலும் படிக்க

பள்ளிவாசலில் பெண்களா?

பள்ளிவாசலுக்கு பெண்கள் வரலாமா? கூடாதா? என்பது ஏதோ மார்க்க சட்டத்தோடு மட்டும் சம்பந்தப்பட்ட தலைப்பல்ல! சமூகத்தின் மிக முக்கியமான ஒரு பாடம். பள்ளிவாசலுக்கு பெண்கள் வந்தே ஆகவேண்டும என்போர் முன்வைக்கின்ற காரணங்களையும் பள்ளிவாசலில் பெண்களை அனுமதிக்கவே மாட்டோம் என்போர் சுட்டுகின்ற வாதங்களையும் இந்தக் கட்டுரை அலசுகின்றது. கூடுமா? கூடாதா? என்னும் ரீதியில் சடங்குப் போக்கில் எப்பிரச்சனையையும் ஆராயாமல் அனைத்துக் கோணங்களையும் உள்ளடக்கி ­ரீஅத்தின் தீர்வை எட்டுவதற்கு இக்கட்டுரை பயனளிக்கும் என்று நம்புகிறோம்.
எதிர்பார்ப்புகளும், யாதார்த்தங்களும்
முஸ்லிம் பெண்களில் பலர் பிறமத வழிபாட்டுத்தலங்களுக்குச் செல்வதை சர்வ சாதாரணமாக காண்கிறோம். குறிப்பாக, குழந்தைச் செல்வமற்ற பெண்கள் கோவில்-சர்ச் போன்ற பகுதிகளில் தொட்டில் கட்டித் தொங்க விடுவதை செய்திகள் மூலம் அறிகிறோம்.
இஸ்லாம் தடை செய்துள்ள வழிபாடுகளில் துவங்கி கோவில் வழிபாடு என்ற அளவுக்கு பெண்களின் நடவடிக்கைகள் மாறிவிட்டன. இறைவனுக்கு இணை வைக்கும் செயல்கள் அதிகம் இருப்பது ஆண்களிடமா? பெண்களிடமா? என பட்டிமன்றம் வைத்தால் “பெண்களிடம்தான்’ என தீர்ப்பு கூற வேண்டியிருக்கும்.
இணைவைத்தல் என்பதில் மட்டுமல்ல, குடும் பத்தில் குழப்பம், நிம்மதி இல்லா வாழ்க்கை, குழந்தை வளர்ப்பில் கோளாறு, உற்றார் உறவி னரை ஆதரிப்பதில் தடுமாற்றம் என பெண்கள் பெருந்தோல்வியில் சிக்கி உள்ளனர்.மேலும் படிக்க

மருத்துவ துறையின் விபரீதங்கள்

கொடிய விச வாயு கசிந்து சுற்றுப்புற அப்பாவி மக்களை பலி கொண்ட வேளையிலும், அரசு மக்கள் நலனுக்கு சாதகமாகச் செயல்படாமல் அமெரிக்க தொழில் நிறுவனத்திற்கு சாதகமாகச் செயல்பட்டது எவ்வளவு அரக்கத்தனமான செயல். இந்தகிரிமினல் குற்றத்திற்குக் காரணமான யூனியன் கார்பைடு அதிகாரிகள், அரசு அதிகாரிகள், மருத்துவர்கள் மீது கிரிமினல் குற்றத்தின் கீழ் தண்டிக்க ???? என்னதான் உள்ளது? யார்தான் அதற்கு பொறுப்பேற்க வேண்டும்-? என்ற பல கேள்விகளுக்கு விடை காண வேண்டிய நேரம் இது!
போபால் விபத்தைத் தொடர்ந்து 1985ல் அரசால் இந்திய மருத்துவ ஆராய்ச்சிக் கழகம் மக்களுக்கு ஏற்பட்ட பாதிப்பைக் கண்ட றிய 20க்கும் மேற்பட்ட பல ஆய்வுகளை மேற் கொண்ட நிலையில் திடீரென காரணம் ஏதும் அறிவிக்கப்படாமல் அவ்வாராய்ச்சிகள் அனைத்தும் 1994ல் நிறுத்தப்பட்டது. இதை எதிர்த்து மருத்துவர்கள் பெருமளவு குரல் கொடுக்காதது (அரசின் பழி வாங்கும் போக்கின் பயத்தால்) வேதனையே.
மேலும் படிக்க

போபால்: அநீதி இழைக்கப்பட்ட அப்பாவி மக்களின் கதை

போபால் விஷவாயுவினால் பாதிக்கப்பட்ட மக்களின் சோக வரலாற்றையும் அதற்கு காரணமாக இருக்கும் அரசு பயங்கரவாதத்தையும் இங்கே தோலுரித்துக் காட்டுகிறார் மருத்துவர் புகழேந்தி. கல்பாக்கம் பகுதியில் ஏழை எளிய மக்களிடையே மருத்துவச் சேவை செய்து வருபவர். தொழில் கூடங்களின் செயல்பாடு மக்களுக்கு ஏற்படுத்தும் பாதிப்புகள் குறித்து தொடர்ந்து பல்வேறு தளங்களில் போராடி வரும் போராளியாகவும் விளங்குகிறார் மக்கள் உரிமை பாதுகாப்பு இயக்கத்தின் ஒருங்கிணைப்பாளரான டாக்டர் புகழேந்தி
1984ஆம் ஆண்டு டிசம்பர் 2,3 ஆகிய தேதிகளில் மெத்தில் ஐசோ சயனைடு (மிக்) எனும் கொடிய நச்சுத் தன்மையுள்ள வாயு, போபாலில் உள்ள யூனியன் கார்பைடு நிறுவனத்தில் நடந்த விபத்தால் கசிந்து வெளியேறி உடனடியாக ஏறக்குறைய 5000 மக்கள் இறந்ததும் பின்னர் அந்த எண்ணிக்கை 20,000 ஆக உயர்ந்ததும் பாதிக்கப்பட்டவர்களின் எண்ணிக்கை ஏறக்குறை 5 லட்சம் மக்களையும் தாண்டியது. இந்த விஷ வாயு பெரும்பாதிப்பு ஏற்படுத்திய நிலையில், பாதிக்கப்பட்டவர்களில் 85% முஸ்லிம்களாகும், இந்தவிபத்து தொடர் பாக அப்போது தொடரப்பட்ட வழக்கின் காரணமாக 26 வருடங்கள் கழித்து கடந்த 17&06&2010 அன்று தீர்ப்பு அளிக்கப்பட்டது.மேலும் படிக்க

போபால் கோரம்

போபால் விஷவாயு தாக்குதலில் 26 ஆயிரம் அப்பாவி மக்கள் பலியான துயரம் உலகிலேயே இதுவரை எங்கும் நடந்திடாத ஒன்று.
20ஆம் நூற்றாண்டின் மிகப் பெரிய கோர அழிவு என்றால் அது போபால் விஷவாயு தாக்குதலாகும். போபால் விஷவாயு தாக்குதல் துயரம் இருபதாம் நூற்றாண்டின் மூன்று சோக நிகழ்வுகளில் ஒன்றாகக் கருதப்படும் தகுதி வாய்ந்தது.
இரண்டாம் உலகப் போரின் போது ஜப்பானின் ஹிரோஷிமா நாகசாகி நகரங்களில் அமெரிக்க வான்படை விமானங்கள் வீசிய அணுகுண்டு வீச்சுக்கு அடுத்த படியாக போபால் விஷவாயு தாக்குதல் இரண்டாம் இடம் பெறுகிறது.
மேலும் படிக்க

போபால் விபரீதமும் & சுற்றுச்சூழல் பாதுகாப்பும்

போபால் விஷ வாயு வழக்கில் 26 ஆண்டுகளுக்கு பிறகு வழங்கப்பட்டுள்ள தீர்ப்பு நாட்டில் மீண்டும் பெரும் பரபரப்பை ஏற்படுத்தியுள்ளது. பல்லாயிரக்கணக்கான மக்களின் உயிர்களை பலி வாங்கிய யூனியன் கார்பைட் நிறுவனத்தின் விஷவாயு ஒரு சாதாரண சாலை விபத்து வழக்குப் போல் கருதப்பட்டு தீர்ப்பு வழங்கப்பட்டுள்ளது நெஞ்சை உலுக்கும் கொடுஞ் செயலாக அமைந்துள்ளது. இனி ஒரு அணு உலையில் இருந்து கதீர்வீச்சு ஏற்பட்டு அதனால் மனிதர்கள் உயிர் இழந்தால் அதுவும் ஒரு சாலை விபத்துப் போல் கருதப்படும் நிலை இந்த தீர்ப்பினால் ஏற்படுத்தப்பட்டுள்ளது.
மனிதர்களுக்கு பெரும் ஆபத்தாக விளங்கும் இந்த பாதகச் செயல்கள் குறித்து நாம் பாராமுகமாக இருக்க இயலாது. நாம் வாழும் பூவுலகை காப்பாற்றுவது நமது இன்றியமையாத கடமையாகும். எனவே தான் பூவுலகின் சுற்றுச் சூழலை பாதுகாக்க ஏராளமான வழிகாட்டுதலை இஸ்லாம் வழங்கியுள்ளது. இந்த வழிகாட்டுதல்களை புறக்கணித்து வரம்பு மீறி வாழ்ந்தவர்களின் கதி என்னவானது என்பது குறித்தும் திருக்குர்ஆன் பின்வருமாறு எச்சரிக்கின்றது:
அவர்களெல்லாம் நாடுகளில் வரம்பு மீறி நடந்தனர். அன்றியும், அவற்றில் குழப்பத்தை அதிகப்படுத்தினர். எனவே, உம்முடைய இறைவன் அவர்கள் மேல் வேதனையின் சாட்டையை எறிந்தான். நிச்சயமாக, உம்முடைய இறைவன் கண்காணித்துக் கொண்டு இருக்கின்றான். (89:-14)
மேலும் படிக்க

காய்கள் கனியட்டும்! கனவுகள் மலரட்டும்!

‘சமுதாய ஒற்றுமை’ ஓசையை நோக்கி தாயிடம் பாயும் சேயாய் உள்ளங்கள் விரைகின்றன. ஒற்றுமையை நிலைநாட்ட உணர்வுகள் துடிக்கின்றன.
கண்ணியமும் உயர்வும் பாதுகாப்பும் சமுதாய ஒற்றுமையின் நிழலில்தான் கிடைக்கும் என்ற வரலாற்றுச் சுவடுகள் சமுதாய ஒற்றுமையை வாழ்வின் இலட்சியமாக்கின.
முஸ்லிம் சமுதாயத்திடையே நீண்ட காலமாக ஏற்பட்ட பிளவும் பிரிவினையும் சமுதாய பலத்தை குன்றச் செய்தன, எதிரிகள் அதன் மீது ஆதிக்கம் செலுத்த பாதை அமைத்தன என்பதை முஸ்லிம்கள் மறக்கவில்லை.
மேலும் படிக்க

எல்லைக் கோடுகள் மாறும் பாலஸ்தீனம் மலரும்

பாலஸ்தீனம்: இது யூதர்களுக்கு
புதைகுழி
முஸ்லிம்களுக்கு முகவரி.
பைத்துல் முகத்தஸ் அது
எங்கள் மூன்றாம் புனிதஸ்தலம்,
எதிர்கால பாலஸ்தீன நகரம்
ஒரு நாள்
எல்லைக் கோடுகள்
மாற்றியமைக்கப்படும்.
அகதிகளாய்
தேசத்தை தாண்டிய
நதிகளாய் வாழும்
பாலஸ்தீனர்களின்
கொடிகள் அங்கே பறக்கும்.
மேலும் படிக்க